अनमोलको ‘छड्के २’को क्लाइमेक्स नै युट्युबमा अपलोड

जब फिल्मको क्लाइमेक्स नै रिलिज अगाडि सार्वजनिक हुन्छ, दर्शकका लागि हलसम्म गएर फिल्म हेर्नुको मज्जा कहाँ रहन्छ ? तर, फिल्म छायांकनदेखि नै नायक अनमोल केसी अभिनित फिल्म ‘छड्के २’ चरम पाइरेसीको शिकार भैरहेको छ ।

अहिले अनमोल अभिनित यो फिल्मको क्लाइमेक्सको दृश्यको छायांकन नै युट्युबमा भाइरल बनेको छ । टिकटक ट्रेन्ड नेपाल नामक युट्युब च्यानलमा यो फिल्मको क्लाइमेक्सको छायांकन खिचेर अपलोड गरिएको छ । टिकटकमा पनि क्लाइमेक्सका दृश्य भाइरल बनेका छन् ।

निगम श्रेष्ठको निर्देशनमा तयार भएको फिल्म फागुणको १९ गतेबाट रिलिज हुँदैछ । फिल्ममा अनमोल केसीको गेटअप, उनको संवादको शैलीदेखि क्लाइमेक्समा के हुन्छ भन्ने समेत सार्वजनिक भएको छ । यसले, निर्माता चरम मारमा पर्ने देखिन्छ । यसलाई रोक्नका लागि मेकरले तत्काल पहल नथाल्ने हो भने, ‘छड्के २’ रिलिज अगाडि नै यसको रहस्य सबै सार्वजनिक हुने पक्का छ ।