हरर फिल्म ‘चि मुसी चि’को मोसन पोष्टर रिलिज

हरर फिल्म ‘चि मुसी चि’को मोसन पोष्टर रिलिज

पौष १५ गतेलाई प्रदर्शन मिति तोकिएको फिल्म ‘चि मुसी चिः इन डेड डिजायर बिलिङ्गिङ’को प्रदर्शन मिति एक साता पछि सारिएको छ । यो फिल्म अब पौषको २२ गतेबाट रिलिज हुँदैछ । पौषको १५ गते फिल्म ‘डिसेम्बर फल्स’ पनि रिलिज हुने भएकाले यो फिल्म पछि सरेको हो । एकसाथ २ फिल्म रिलिज गर्न नहुने भन्दै निर्माताले सहज बाटो रोजेका हुन् ।

यो फिल्मलाई अरुण चक्रावर्तीले निर्माण गरेका हुन् । एमी स्टूडियो प्रोडक्शनको ब्यानरमा निर्माण भएको हरर थ्रिलर जनराको यो फिल्मको मोसन पोष्टर सार्वजनिक भएको छ । सार्वजनिक पोष्टरमा मुख्य कलाकारहरु प्रियंका कार्की, बेनिशा हमाल, ऋचा शर्मा, आयुष्मान देशराज जोशी, राजन खतिवडा, रविन्द्र झा, गौरव बिष्ट लगायतका कलाकारलाई देखाइएको छ ।

मोसन पोष्टरमा समावेश गरिएको पाश्र्व संगीत र आवाजले दर्शकमा उत्सुकता र डर पैदा गरेको छ । मर्ण जेम्स र यश सैनीले निर्देशन गरेको यो फिल्ममा रिञ्जु केसीको पनि लगानी छ ।

प्रतिक्रिया