बिहेको रमझममा सजिएकी स्वस्तिमा

नायिका स्वस्तिमा खड्कालाई बिहेले छपक्कै छोएको छ । विशेषगरि, नायक संयम पुरी र नायिका आश्मा डीसीको बिहेमा स्वस्तिमा मेहेन्दीदेखि बिहे समारोहसम्म रमाइन् । भोली आयोजना हुन लागेको बिहे भोजमा पनि स्वस्तिमा पुग्ने पक्का छ ।

स्वस्तिमाले बिहेको रंग भन्दै सामाजिक संजालमा केही तस्वीर पोष्ट गरेकी छिन् । जहाँ, उनी सारीमा सजिएकी छिन् ।

नेपाली नायिकाहरुमा स्वस्तिमा पहिरनको राम्रो ज्ञान भएकी नायिकाको रुपमा चिनिन्छिन् । सारीमा उनी धपक्कै बलेकी छिन् । कतै चश्मा समेत ढल्काएकी स्वस्तिमाको सुन्दरताले उनका फ्यानहरुलाई पनि मोहित बनाएको छ ।

कामको कुरा गर्नुपर्दा फिल्म ‘चिसो मान्छे’ पछि स्वस्तिमाले नयाँ फिल्म साइन गरेकी छैनन् ।