‘डिसेम्बर फल्स’को गीतलाई १० लाख भ्यूज, बक्स अफिसमा दर्शक फर्काउने आशा

‘डिसेम्बर फल्स’को गीतलाई १० लाख भ्यूज, बक्स अफिसमा दर्शक फर्काउने आशा

कार्तिक ११ गते रिलिज भएको फिल्म ‘महापुरुष’पछि दर्शकको अभाव हलमा देखिएको छ । यसपछि रिलिज भएका कुनै पनि फिल्मले दर्शकलाई हलसम्म तान्न सकेनन् ।

‘लाखेदेखि पासो’सम्म आइपुग्दा दर्शकको खडेरी हलमा चरम रुपमा देखिएको छ । यसैले, अब कुन फिल्मले फेरि हलमा दर्शक फर्काउला भन्ने कौतुहलता फिल्मीकर्मीमा छ । यहीबिच, पौषको १५ गतेबाट फिल्म ‘डिसेम्बर फल्स’ रिलिज हुँदैछ ।

प्रविण झाको निर्देशनमा तयार भएको यो फिल्मको पहिलो गीत ‘फकाउनै जानीन’ केही समय अगाडि रिलिज भएको थियो । यो गीतले युट्युबमा १० लाख भ्यूज पाएको छ । गीतले लोकप्रियता पाएसँगै निर्माणपक्ष अझै उत्साहित छ । फिल्मको टिजरले पनि दर्शकको माया पाइसकेको छ ।

यो फिल्ममा आर्यन सिग्देल र उपासना सिंह ठकुरीको मुख्य भूमिका छ । फिल्ममा उपासनाको लागि आर्यनले गरेको एक्सनको कथा भनिएको छ । फिल्म ‘डिसेम्बर फल्स’को मेकिङबाट यसका निर्माता रामप्रसाद रिजाल सन्तुष्ट छन् ।

प्रतिक्रिया