प्रियंका आइन्, फोटो खिचाइन्, गइन्


शुक्रबार काठमाडौंको बीग मुभिजमा आयोजना भएको फिल्म ‘जारी’को ट्रेलर रिलिजमा नायिका प्रियंका कार्की सरप्राइज  दिदै उपस्थित भइन् । वुझिएअनुसार, प्रियंका कुनै एक प्रोजेक्टको छायांकनबाट यो फिल्मको ट्रेलर रिलिजमा आएकी थिइन् । 

कार्यक्रम चलिरहँदा आएकी प्रियंकाले ट्रेलर भने हेर्न पाइनन् । कारण थियो, उनी ट्रेलर देखाइसकेपछि पुग्नु । तर, प्रियंकाका लागि एक पटक ट्रेलर फेरि देखाउन पत्रकारहरुले गरेको आग्रहलाई पनि मेकरले खासै वास्ता गरेनन् । प्रियंकालाई कार्यक्रममा निमन्त्रणा गरिसकेपछि फिल्मलाई शुभकामना दिन समेत मेकरले आग्रह गरेनन् । 

प्रियंका भने कार्यक्रम सकिएपछि पनि फिल्मका मुख्य २ कलाकार दयाहाङ राई र मिरुना मगरसँग फोटो खिचाउन व्यस्त देखिइन् । उनले, यो फिल्मको बारेमा एक शब्द न कार्यक्रममा बोलिन् न कार्यक्रम सकिएपछि मिडियाकर्मीसँग नै बोलिन् । उनी, कार्यक्रममा ‘फूलबारी’का निर्देशक रामबाबु गुरुङका लागि आएको प्रष्ट हुन्थ्यो । 

प्रियंका कार्यक्रममा ढिलो आएपनि अर्की नायिका शिल्पा मास्के सुरुवातमै आएकी थिइन् । तर, उनलाई पनि आयोजकले एक शब्द बोल्न दिएन । 

यी दुई नायिकाले ‘जारी’लाई साथ दिन कार्यक्रममा पुगेको प्रष्ट थियो । तर, दुबै जना आए, फोटो खिचाए अनी गए । यसले, फिल्मको प्रमोशन भयो कि यी दुबै नायिकाले मिडियामा स्थान पाए । वुझ्ने काम त मेकरकै ।