अनमोल केसीको नयाँ फिल्म घोषणा

अनमोल केसी फेरि चकलेटी धार नै समात्ने बाटोमा लागेका छन् । 

दर्शकले चकलेटी लुक्समा रुचाउँदै आएका अनमोलले ब्याक टू ब्याक फिल्म साइन गरिरहेका छन् ।  यस्तैमा अनमोल केसीले नयाँ फिल्ममा काम गर्ने भएका हुन् । 

अब अनमोलले नयाँ फिल्म 'फर्की फर्की' गर्ने भएका हुन् । यो फिल्म राम्रो कथामा रहेको र अफर आएपछि उनी काम गर्न तयार भएको बुझिएको छ । यो फिल्म रोहित अधिकारी फिल्मस्को ब्यानरमा निमार्ण हुने भएको हो । यस फिल्मको लागि अनमोल बाहेक अन्य कलाकार फाइनल भएका छैनन् ।

रोहित अधिकारीले निर्देशन गर्ने फर्की फर्की लभ स्टोरी हुने भएको छ । फिल्मको सबै छायांकन नेपालका विभिन्न जिल्लामा हुने बताइएको छ । 

फिल्म निर्माण टिमले फिल्मको पहिलो पोस्टरसँग निर्माणको औपचारिक घोषणाको तयारी गरेको छ।