ट्रेलर र गीतमा बुस्ट गरेर लाखौं भ्यूज, हलमा खडेरी
![](https://snowberry.prixacdn.net/media/gallery_folder/f_qcSFHCeTXG_yizf1zxrxx9xeawfd3l3huufugriqpmzmedzuvibeqllthxb6dmgqd0rywey_Op1vpOzhIY_67siutvsdjfmp1oyyulsabouxgi18f9ain3v8dhmokxkiddtuya6n3q9ij6s.jpg)
यहाँ हामी वैशाख १ गतेदेखि यता रिलिज भएका फिल्मका मात्र कुरा गर्दैछौँ । यो श्रृंखला सुरु हुन्छ फिल्म ‘जारी’बाट । वैशाख १ मा रिलिज ‘जारी’ले सामाजिक सञ्जालमा चर्चा र माउथ पब्लिसिटी राम्रै पायो । त्यसैका परिणाम फिल्मले शनिबार २१ वटा हलमा ५१ औं दिन मनाएको छ ।
यो फिल्मको विषयवस्तु राम्रो भएर पनि निर्माण पक्षले यसको डिजिटल प्रमोसनमा डलर खर्च गर्दे दर्शक तानिरहेको थियो । पछि यो फिल्ममा प्रयोग गरिएको अभिनेता दयाहाङ राईले बोलेको एक शब्दलाई सेन्सरले रोकेको थियो । तर पहिला आउँदा भने सेन्सर बिनै फिल्मको प्रचार सामाग्री आएपछि दर्शकले दिनप्रतिदिन रुचाउँदै गए । तसर्थ यो फिल्मको बुस्टिङले काम पनि गर्यो । फिल्म हेर्नकै लागि बालबालिकादेखि वृद्धवृद्धासम्म हलमा तानिए ।
यही मितीमै रिलिज भएको अर्को फिल्म ‘बुलाकी’ र ‘बिहे पास’ले पनि फिल्म चलाउनका लागि राम्रै डलर खर्च गरेर बुस्टको सहारा लिए । तर परिणाम दुवै फिल्म ‘जारी’ जस्तो सफल हुन सकेनन् । फिल्म ‘बुलाकी’ले त शो कम भएको भन्दै आफैं पछि हट्ने निर्णय लियो ।
यसपछि रिलिज भएका ‘प्रसाद २’ र ‘नाइँ नभन्नू ल ६’को अवस्था पनि उस्तै रह्यो । दुवैले सामाजिक सञ्जालमा नदेखिने गरी युट्युबमै भ्यूज देखाउनका लागि बुस्टिङको सहारा लिएका थिए । ‘प्रसाद २’को हकमा भने पहिले नै रिलिज मिति घोषणा हुनाले यसको असर पछि देखिएन । ‘नाइँ नभन्नु ल ६’का हकमा भने बुस्ट गरेर पाएको भ्यूजलाई हेर्ने हो भने दर्शकले जनाएको प्रतिक्रिया लाजमर्दो नै छ ।
यस्तै नेपालको पहिलो डान्स ड्रामा फिल्म भनी प्रचार गरिएको फिल्म ‘ज्याकी–आइ एम २१’को हकमा त सामाजिक सञ्जालमा बुस्टिङको मनपरी नै थियो । यो फिल्मले त प्रचार सामाग्रीलाई यति धेरै डलर खर्च गरी गरी बुस्ट गरेको थियो कि त्यसको प्रभाव हलमा देखियो । किनकी हलमा प्रचारमा बुस्ट गरिएजस्तो दर्शकको उपस्थिति देखिएन ।
फिल्म ‘हल्कारा’ले त सुरुवाती आफ्नो प्रचार सामाग्रीलाई लिएर दह्रै बुस्ट गर्यो । अन्तर्राष्ट्रिय फिल्म फेस्टिभलमा अवार्ड प्राप्त गरेको भन्दै निर्माण पक्षले प्रचार सामाग्रीलाई डलरका डलर खर्च गर्दै प्रदर्शन मिति आउन्जेलसम्म बुस्ट गरिरहेको थियो ।
यी बीचमा केही यस्ता फिल्म आए, जसले आफ्नो प्रचार त परै जाओस्, सामाजिक सञ्जालमा बुस्टिङ गर्ने समेत आँट गरेनन् । जसमा ‘ए साथी सुन’, ‘टुल्की’, ‘हुक्काः एन एब्सर्ड ड्रिम’ रहेका छन् ।
अब कुरा गरौं आउने फिल्म ‘परस्त्री’को । असार १५ गतेबाट रिलिज हुने यो फिल्मको चर्चा हिन्दी भाषामा पनि रिलिजको तयारीमा छ । यो फिल्मले हालसम्म एउटैमात्र प्रचार सामाग्रीका रुपमा गीत ‘माया बस्यो तिमीसँग’ सार्वजनिक गरेको छ । भन्न त फिल्मकी निर्मात्री शर्मिला पाण्डे आफैंले फिल्मलाई बहुप्रतिक्षित भन्ने गरेकी छिन् । यो फिल्मलाई पनि डिजिटल बुस्टिङमा दह्रै खर्च गर्ने मनसाय बनाएको देखिन्छ ।
जसरी यो फिल्मको प्रचार सामाग्रीलाई बुस्टिङ गरिरहेका छन्, त्योबाट निर्माण पक्ष भने कतै खुशी हुने स्थितिमा देखिएको छैन । बुस्टिङमा लाखौं खर्च गर्न खोजिरहेका ‘परस्त्री’ टिमले न गीतबाट दह्रो प्रचार पाउन सकिरहेका छन्, न त दर्शककै प्रतिक्रिया पाउन सकिरहेका छन् ।
युट्युबमा राखिएका यी फिल्मका प्रचार सामाग्री हेर्दा मिलियन भ्यूज पायो भन्ने बनाएका छन् । तर दर्शकको कमेन्ट र लाइक हेर्ने हो भने सय र हजार पनि नाँघेको हुँदैन । यसबाट पनि निर्माताले केवल भ्यूज बढाउनका लागि मात्र डलर खर्च गरेको प्रस्ट देखिन्छ । किनकी त्यस्तै डलर खर्च गर्दा कमेन्ट र लाइक पनि उनीहरुले राम्रै पाउँथे ।
यसरी हेर्दा फिल्मलाई दर्शकबाट राम्रो प्रतिक्रिया पाउन त कता हो कता, निर्माताको ध्यान भने सामाजिक सञ्जालमा बुस्टिङ गर्न, भ्यूज किन्न, लाइक र कमेन्ट बढाउनतिर नै बढी देखिन्छ । फिल्मका बारेमा राम्रोसँग दर्शकलाई बुझाउन नसक्दा डिजिटल बुस्टिङबाट नै दर्शकले बुझ्छन् भन्ने निर्माण टिमले कत्रो आँट गरेका होलान् ? यसरी बुस्टिङ गरी गरी दर्शकहरु फिल्म हलसम्म हाम्रो फिल्म हेर्न आइदिन्छन् भन्ने मनसायबाट चाहिँ चाँडै नै मुक्त हुन आवश्यक देखिन्छ ।
![‘नेपहपको श्रीपेच’को दोस्रो संस्करणको प्रशारण सुरु](https://snowberry.prixacdn.net/media/gallery_folder/Nephop%2520final%2520image%2520%2520copy_yoesDdG3Mo_ptsea8hdeuc7qggzf1s4lsfzgujbubonord4cpj0hdc8xetgeyibkjhxd6z8_9syzJoQVFQ_ujqg9zmdpkfwgkkpxpdut69zbbycn8c8wlnzrcgseqs1gqfwl9iuprk1fuyk.jpg)
‘नेपहपको श्रीपेच’को दोस्रो संस्करणको प्रशारण सुरु
![आँचल र विवेकको जोडीलाई दर्शकले कती रुचाए ?](https://snowberry.prixacdn.net/media/gallery_folder/bar%2520and%2520badhu_pK5Ut4EdfA_bglcx7adpp5bayv8saxrggqwud9vkgyytlfueeuwoi9tffjkqs2keduajyli_0touEOXCIb_zb0hfwmgzranbeltffs1t549cvgdpa8bl1p2u2fd8umdpdiv5yvrqgfbynbn.jpg)
आँचल र विवेकको जोडीलाई दर्शकले कती रुचाए ?
![बोर्डबाट बिदा हुँदै गर्दा भुवनले भने–‘फिल्म क्षेत्रमा सरकारको लगानी शुन्य छ’](https://snowberry.prixacdn.net/media/gallery_folder/bhuwan%2520kc_Wkmnf0wViv_jhpefzrn6ico0ruwyoczfyutambsukrwq61jtlumxuz2phxwobl9clcesf3w_avaB2nm1F6_nkgpgfkw34grwyygicxxczxlvcwkikfftv2bvesjcqwamoacu4sk4vtlrvm1.jpg)
बोर्डबाट बिदा हुँदै गर्दा भुवनले भने–‘फिल्म क्षेत्रमा सरकारको लगानी शुन्य छ’
![‘अगस्त्य’ निर्देशक सौरभले घोषणा गरे नयाँ फिल्म ‘कर्मा’](https://snowberry.prixacdn.net/media/gallery_folder/karm%2520movie_VujH3IhZIU_cwhzwdiojeclzx6vznspgthtzzrrqjwgqpjzotw1bczkdpnamgismh4drntw_cQjwzLVxzg_rafdaub6sj494eip7mwfkjyeqk5vmi6alhxywqtgwalz2yfqg59fhdlqlix0.jpg)
‘अगस्त्य’ निर्देशक सौरभले घोषणा गरे नयाँ फिल्म ‘कर्मा’
![भक्तपुरमा सुरु भयो ‘पूर्ण बहादुरको सारङ्गी’को सेकेन्ड सेड्यूल](https://snowberry.prixacdn.net/media/gallery_folder/purna%2520bhahadru%2520ko%2520sarangi_ao6WLpXeeb_jsne2lep8t5irwfancnhdfvo8nttae3twdzgplmyxl9msbkht3kyhh8ui68f_5v9o2z7JGf_exwmw9v5egl6imbjz78oewib45bs674pvunah2vozcsfok52c1h7dwjjcik6.jpg)
भक्तपुरमा सुरु भयो ‘पूर्ण बहादुरको सारङ्गी’को सेकेन्ड सेड्यूल
![के नरेनलाई फिल्म क्षेत्रले चिन्न नसकेको हो ?](https://snowberry.prixacdn.net/media/gallery_folder/naren%2520khadka_LhN2EkwyR5_lvs9etxkcndrbumytnojzsauafvkpeepb6ibgmztmec4zpocuz0ef5yxgxar_kPTRbj8LXs_xdp9qb1xizevertoctae6wybjieooxr8qtxrj36h8p5cfn3qbfbxkbrww8m1.jpg)
के नरेनलाई फिल्म क्षेत्रले चिन्न नसकेको हो ?
![सरोज खनाल भन्छन्–‘नेपाली फिल्म क्षेत्रमा गुटबन्दी छ’](https://snowberry.prixacdn.net/media/gallery_folder/saroj%2520khanal_dkPv25PDxg_r8r4giwpg5nxlkstiuewcwlahchnibtqe04octs8jtgcemsouvgztbzrqtvr_piRw3Bn4C2_ytqiqsqbhspa8iuslmchzltjgszhdyaixhzmswcvyxkxictijtsrsl3sqk71.jpg)
सरोज खनाल भन्छन्–‘नेपाली फिल्म क्षेत्रमा गुटबन्दी छ’
![‘नम्बरी सुन’को ट्रेलरमा प्रेम र द्धन्द्धको कुरा](https://snowberry.prixacdn.net/media/gallery_folder/numberi%2520sun_yKagEjcRzf_lqhltr5hdr8chwiuys1b7yqigam4oxljpqrvmfjdvunguu0jiewo8axkau3o_gMAKWtgsnC_camis7yawtw6uxqhxcotllk8jd9u4uxqwa7anclupkrwwsauqtfkdb0bifi9.jpg)
प्रतिक्रिया