सागर खड्काको नयाँ उपन्यास ‘राइपाली भञ्ज्याङ’ लोकार्पण
![](https://snowberry.prixacdn.net/media/gallery_folder/0I0A3346.JPG_hHL5gEJoJq_j9clgbg7uwxngiwfrr3vrvt8wkpdprubvo6swg7cut9rjpmlrkalkvsnbmyf_agdcEVEzjK_yvc67hyt0c4qikxzj1wkuv0yiljc4tbomjxlnkj8ws7tynbtbvxlqpujpsuh.jpg)
साहित्यकार सागर खड्काको पहिलो औपन्यासिक कृति ‘राइपाली भन्ज्याङ’ लोकार्पण भएको छ। काठमाडौँको नेपाल प्रज्ञा–प्रतिष्ठानमा बुधवार आयोजित विशेष कार्यक्रममा लेखक बुद्धिसागर, लेखक दुर्गा कार्की र लेखक सागर खड्काले पुस्तक लोकार्पण गरे।
साहित्यकार बुद्धिसागरले पुस्तक राइपाली भन्ज्याङ कथा एवम् उपकथाहरू जोडिएर बनेको विशेष उपन्यास बनेको बताए। ‘सागरको उमेर हेर्दा उनले प्रेमकथा लेखेका होलान् जस्तो लागेको थियो। तर यो पुस्तकमा उनले गहन विषयवस्तुलाई उजागर गरेका छन्।’ सरल एवम् मीठो भाषा शैलीमा लेखिएको यो पुस्तक लेखकको पहिलो भए पनि सशक्त रूपमा आएको उनको भनाइ छ।
यस्तै लेखक तथा अधिवक्ता दुर्गा कार्कीले उपन्यासको कथा मथिँगल रन्थनाउने किसिमको रहेको टिप्पणी गरिन्। ‘यो उपन्यासको सबैभन्दा सशक्त पक्ष भाषा हो, यो उपन्यास एकदमै सरल लाग्यो,’ उनले भनिन्, ‘यसमा मौलिक भाषाका साथै उत्कृष्ट बिम्ब प्रयोग गरिएका छन्। लेखन पनि दृश्यात्मक छ।’
सागर खड्काको भाषा जादुमयी रहेको र यही जादुको सम्मोहनमा परेर नै आफ्नो प्रकाशन गृहले खड्काको उपन्यास प्रकाशन गरेको फाइनप्रिन्टका अजित बरालले बताए।
‘हामीले फाइनप्रिन्टको १८ वर्षे इतिहासमा पहिलो पटक कुनै नयाँ लेखकको पाण्डुलिपिका सुरुवाती केही अनुच्छेद र बिचबिचमा सरसरती केही पेज हेरेको भरमा साइन गरेको,’ उनले भने, ‘हामीलाई लाग्छ- सागर खड्काले आफ्नो लेखनलाई निरन्तरता दिए र अध्ययनलाई फराकिलो बनाउँदै लगे भने नेपाली साहित्यमा उनले बलियो उपस्थिति जनाउनेछन्। राइपाली भन्ज्याङ त्यसको सङ्केत मात्र हो।’
कार्यक्रममा लेखक खड्काले राइपाली भन्ज्याङ लेखन यात्रा स्मरण गरे। पुस्तक लेख्न चार वर्ष लागेको र यसबिचका उतारचढावबारे उनले आफ्ना सम्झना सुनाए। लेखन यात्रा सुरु गर्दादेखि अहिले पुस्तकका रूपमा आइसक्दा पुस्तकले आफूलाई नयाँ संसारमा लगेको उनको भनाइ छ।
कार्यक्रममा नेपाली क्रिकेटका पूर्व कप्तान पारस खड्काले लेखक सागर खड्कालाई बधाई र शुभकामना दिए।
राइपाली भन्ज्याङ दुई बालसखा बुद्धि र कुसुमको प्रेमकथा हो। समाज र सङ्घर्षको कथा हो। र सैनिक बनेर भरियाहरू अगाडि लगाउँदै गाउँ छिर्ने सपना बोकेका दुई बच्चाको मित्रताको कथा पनि हो।
यो त्यो समयको कथा हो, जति बेला मोबाइल हुँदैनथे। तर पनि एक अर्काको दिलसम्मै खबर पुग्थे। सवारी गुड्ने सडक हुँदैनथे।
तर पनि मानिसहरू भन्ज्याङ हुँदै डाँडाकाँडा छिचोल्थे। घैया गोड्दै महिलाहरू झ्याउरे गीत गाउँथे। अनि मेला पर्वमा ठाडो भाकाले गाउँ गाउँ गुन्जिन्थे।
अन्धविश्वास र हिंसाको छिटाले लतपतिएको समाजमा कहिले बहकिँदै त कहिले सम्हालिँदै सहारा र सन्तुष्टिको खोजीमा जीवनभर अघि बढिरहने बुद्धिको यस कथाले सबैलाई आफ्नो अतीतमा पुर्याउनेछ।
को हुन् खड्का?
राइपाली भन्ज्याङमार्फत साहित्यको गगनमा पहिलो उडान भरेका लेखक सागर खड्काको जन्म लमजुङमा भएको हो। उनी अहिले त्रिभुवन विश्वविद्यालय, कीर्तिपुरमा डिपार्टमेन्ट अफ एक्वाकल्चरमा स्नातकोत्तर गरिरहेका छन्।
![‘खुल्ला कविता प्रतियोगीता’ आयोजना हुने](https://snowberry.prixacdn.net/media/gallery_folder/kabita_MoSEEdtEIa_3b6bprzrfbevdcjovups4pexhcl2zrflw7xjhr9ldk2i5wnko2h9fa7j5oss_N1QxKpXPZz_qr9s64ah7zxtfx67wvuqgbldbcxpfg9frlf8qp0hns2bganu9oqs5tpnmi1s.jpg)
‘खुल्ला कविता प्रतियोगीता’ आयोजना हुने
![पाँचौँ बाह्रखरी कथा लेखन प्रतियोगिताका लागि कथा आह्वान, प्रथमलाई एक लाख पुरस्कार](https://snowberry.prixacdn.net/media/gallery_folder/377710015_293759493291086_661891294559025713_n_WMSs9T3iqg_u2mdlmum4mt6esyyqretlyl2mhg4yor1idkycertyq7vkafk9rtbmkxjasqm_6dkvWKRmxE_gdxepk3fonprfjf9zg9yxcxxbpkmtpfvmeieml8aqcm4melg1voqv6wayemt.jpg)
पाँचौँ बाह्रखरी कथा लेखन प्रतियोगिताका लागि कथा आह्वान, प्रथमलाई एक लाख पुरस्…
![मदन पुरस्कारका लागि पाँच उत्कृष्ट कृति सार्वजनिक](https://snowberry.prixacdn.net/media/gallery_folder/Capture.JPG-919_Tu5MyQN8Ba_rmmaighs6m7q8gsijvxox5iduspj74kfchj1brpkdy0a3m1ewalk1xcfmsda_XAU7ML1ofg_5apj9ffblneuulsrq6m8jaapwmqsdhf0fphtn7ifjtgmke5ai58lj1irg7pb.jpg)
मदन पुरस्कारका लागि पाँच उत्कृष्ट कृति सार्वजनिक
![अनलका ‘बार्दली’ तथा ‘दाहिने हाते सिक्का र साईकल’ लोकार्पण](https://snowberry.prixacdn.net/media/gallery_folder/e9b65d77-e04c-4c41-8422-0efd4d5ef7bf_5qKRDg0fpx_qkhswpvaxjkrtglgwmozuadedlpzray7sekre3rn74usey54jz4krivesfhq_9rHV1GjPnp_kfptvjwgwbmjrkvpdrmmz9hq4mqrzhturouthw36hwqmyij0hq2ra6kbzfwd.jpg)
अनलका ‘बार्दली’ तथा ‘दाहिने हाते सिक्का र साईकल’ लोकार्पण
![जेनिशा मानन्धरको उपन्यास ‘लस्ट लेटर्स’ सार्वजनिक](https://snowberry.prixacdn.net/media/gallery_folder/Lost%2520Letters%2520Bimochan_rPDz3OSwM4_pucxjtffvvzucqxgu35p47xbaqzu0jpc8fyzzdm6ehv1hmxtgmnhqrzv8wkv_7sWj2FJfX1_crwuwhhtceqnbxquhfzgw2kpskuxn8mit5uvmesr2p11ny21rkz64jjkhmd5.jpg)
जेनिशा मानन्धरको उपन्यास ‘लस्ट लेटर्स’ सार्वजनिक
![हीरा लामाको दलदल सार्वजनिक](https://snowberry.prixacdn.net/media/gallery_folder/328044103_836372864122920_6308656213045065498_n.jpg_SDRxBsBX2Y_qeph8uidr3twgbzu5iqqeavflneivhixj0heedkwt7xm7qj66tjechnhgaza_JwH06X7MBQ_nxze9q1vfix0bbfugowmhmjpu1yhjwawsl3e4nrzwhrjx7rzkuzmu5pay38c.jpg)
हीरा लामाको दलदल सार्वजनिक
![यशोधरा उपन्यासः पुस्तकमा छायामा परेकी यशोधाको पर्खाइ र त्याग](https://snowberry.prixacdn.net/media/gallery_folder/Book-Bimochan-2-.JPG_QuyvnOrsvB_sw30tz52phbhw3v7dglsjhdqxfxtytgatu5fgt29t2ph0jaee5mpto2ntfxx_vNlliqXiac_yn60bxiiky4kja58e2vmd0lekc6f0ik0ist3f27vbtvxqhrj0ykhhewjdxiy.jpg)
यशोधरा उपन्यासः पुस्तकमा छायामा परेकी यशोधाको पर्खाइ र त्याग
![इन्द्र चौधरीले ल्याए ‘नयाँ बनपाले’ चित्रकथा](https://snowberry.prixacdn.net/media/gallery_folder/naya-banpale_7ZwDOafZbQ_zilfnjzgjmdl2fzbtoew8x3hc8vxtkcru3wlqglfja9kaaylppver0qb3hk0_qU87fjCD3g_mscyp9raf03d4wn3acckcj2gmxrqojx3ex5dnod9ozgpt1bxiorslkclaecy.jpg)
प्रतिक्रिया