‘बलिदान’मा केन्द्रिय भूमिकामा सौगात, अर्पण भिलेन

सन्तोष सेनको निर्माण तथा निर्देशनमा तयार हुन लागेको फिल्म ‘बलिदान’मा नायक सौगात मल्ललाई अफर गरिएको छ । फिल्मको केन्द्रीय भूमिकाका लागि सौगात मल्ललाई अफर गरिएको निर्माणपक्षले पुष्टि गरेको छ । फिल्मको प्रि टिजर सार्वजनिक गरेपछि नै सौगात मल्लसँग निर्माणपक्षले कुरा गरिरहेको खबर फिल्मी वृत्तमा चलेको थियो । 

फिल्मका निर्देशक सेनले भने–‘सौगात मल्लसँग कुराकानी अन्तिम चरणमा पुगेको छ । तर, फिल्मका लागि कागजी संझौता भने भइसकेको छैन । केही दिनमा नै कुराकानी टुंगो लाग्छ ।’

निर्माता सेनले आगामी दशैँमा रिलिज गर्ने गरि फिल्म निर्माणको तयारी गरिरहेका छन् । यसका लागि उनले फिल्ममा खल पात्रको रुपमा अर्पण थापालाई फाइनल गरिसकेका छन् । सौगात मल्ललाई नै केन्द्रीय भूमिकाका लागि फिट देखेपछि सन्तोष अफर लिएर पुगेका हुन् । 

फिल्ममा सन्तोष आफैले पनि काम गर्दैछन् । अझै, एक जना नायकको आवश्यकता फिल्ममा पर्नेछ । निर्माणपक्षले कलाकारको छनोट आन्तरिक रुपमा तीब्र गरेको बुझिएको छ ।