फिल्ममा सफ्ट, सोसल मिडियामा बोल्ड आँचल

नायिका आँचल शर्माको करिअर नयाँ बर्षमा रिलिज हुन लागेको फिल्म ‘डिग्री माइला’पछि नयाँ उचाइमा पुग्ने आकलन गर्न सकिन्छ । किनकी, यो बर्ष फिल्म ‘नाई नभन्नु ल ६’ असफल भए पनि आँचलको करिअरमा त्यस्तो फरक परेको छैन । उनको हातमा ३ वटा फिल्म छन् ।

जसमध्ये फिल्म ‘डिग्री माइला’को छायांकन सुरु भइसकेको छ । यो फिल्ममा आँचल नायक दयाहाङ राईकी प्रेमिकाको भूमिकामा देखिदैछिन् । स्रोतका अनुसार, आँचल र दयाको अन्तरजातिय प्रेम फिल्ममा हेर्न सकिनेछ । 



आँचलले फिल्म ‘पञ्चामृत र ह्वाइटमा हाउस’ पनि साइन गरिसकेकी छिन् । फिल्मी पर्दामा आँचल शर्मा सफ्ट छिन् । नयाँ बर्षमा रिलिज हुन लागेको फिल्म ‘डिग्री माइला’मा आँचललाई निर्देशक रामबाबु गुरुङले सफ्ट अवतारमा नै उतारेका छन् । तर, आँचल सामाजिक संजालमा भने बोल्ड देखिन्छिन् । आँचलले बुधबार मात्र पोष्ट गरेको दुई तस्विरमा पनि उनको बोल्ड अवतार छल्किएको छ । 

विशेषगरि, आँचलको पहिरन र शारीरिक मेन्टेनको चौतर्फी प्रशंसा भइरहेको छ । आँचलले पनि सामाजिक संजालमा आफ्ना पछिल्ला तस्विर शेयर गर्दै फ्यानहरुलाई उत्साहित बनाइरहेकी छिन् ।