नेपाली फिल्मका १० हिरोः को के गर्दैछन् ?
![](https://snowberry.prixacdn.net/media/gallery_folder/anmol%2520kc%2520daya%2520and%2520bipin_ha9Izz8Mze_xdl2wyvkzfvwfu8degbjivvullxzjwbmafc60tuf424dkq0q8pd3vt5sg5js_HdtIRKiI35_1fwovitcwqselei8ab61kijsnzgrrfnj1uz2oma5c21saelnz1yxg60phg2j.jpg)
नेपाली फिल्म क्षेत्र पछिल्ला केही बर्षयता केही पुरुष नायकहरुको वरिपरी घुमेको छ । कामको कुरा गर्दा, करिब एक दर्जन कलाकार नै सर्वाधिक व्यस्त छन् । बजारमा उनीहरुकै माग हाबी छ । एक बर्षमा बन्ने ५० वटा फिल्ममा यी नायकहरु नै बढी देखिने गरेका छन् । आज हामी नेपाली फिल्मका १० हिरो, को के गर्दैछन् भन्ने बिषयमा यहाँ चर्चा गर्दछौं ।
१. दयाहाङ राईः यदि विगत केही बर्षदेखि नेपाली फिल्म क्षेत्र कुनै नायकको वरिपरी घुमेको छ भने, त्यो नायक दयाहाङ राई हुन् । दयाले एक बर्षमा एक दर्जन फिल्ममा अभिनय गरिरहेका छन् । बक्स अफिसमा पनि उनको नै हालिमुहाली छ । फिल्म क्षेत्रमा दयाहाङ एकातिर, अरु नायकहरु एकातिर छन् । दयाहाङले अभिनय गरेका ‘जारी, बिहे पास, निरफूल, नांगो गाउँ, दिमाग खराब’ यो बर्ष रिलिज भैसकेका छन् । यसमध्ये, ‘जारी, नांगो गाउँ र दिमाग खराब’ले बक्स अफिसमा सफलता हासिल गरे ।
यस्तै, दयाको यो बर्ष ‘हात्तीछाप, दयारानी, रंगेली र डिग्री माइला’ रिलिजको तयारीमा छन् । दया यतिबेला फिल्म ‘एन्जिला’को छायांकनमा व्यस्त छन् । उनले ‘बरिष्ठ बलराम, लोकल हिरो, कार्साङ, डिग्री माइला’को छायांकन गर्न बाँकी नै छ । यी बाहेक केही निर्माता दयाको समय पर्खिएर बसिरहेका छन् । यसकारण नेपाली फिल्म क्षेत्रको सर्वाधिक व्यस्त नायकमा दया अगाडि छन् ।
२. अनमोल केसीः विगत एक बर्षदेखि कुनै पनि फिल्ममा काम नगरेका नायक अनमोल केसीले सोमबारबाट फिल्म ‘फर्की फर्की’को छायांकन सुरुवात गरेका छन् । गतबर्ष फिल्म ‘छड्के २’ असफल भएपछि उनले नयाँ फिल्मको काम सुरु गर्न सकेका थिएनन् । तर, फिल्म ‘फर्की फर्की’को कथा मन परेपछि अनमोल काममा फर्किएका हुन् । यसपछि, उनले ‘जेरी अन टप’को छायांकन पनि गर्नुपर्नेछ ।
३. विपिन कार्कीः नायक विपिन कार्की विगत ३ सातादेखि फिल्म ‘महाजात्रा’को छायांकनमा व्यस्त छन् । उनी अभिनित यो फिल्मको छायांकन काठमाडौंका विभिन्न क्षेत्रमा भइरहेको छ । यसअघि विपिन फिल्म ‘पशुपति प्रसाद २ः भष्मे डन’को प्रचारमा व्यस्त देखिएका थिए । यो फिल्म बक्स अफिसमा सफल भएपछि विपिनलाई केही राहत भयो । विपिनले ‘महाजात्रा’को छायांकन सकेपछि ‘काजी’को काम गर्नेछन् । यसपछि उनले फिल्म ‘उनको स्विटर’का लागि पनि समय दिनुपर्नेछ ।
४. प्रदीप खड्काः गतबर्ष फिल्म ‘प्रकाश’को छायांकन सकेपछि नायक प्रदीप खड्का फिल्मको सेटमा फर्किएका छैनन् । प्रदीपले नयाँ फिल्म ‘कामिनो र एक्स ९’ साइन गरेका छन् । तर, यी दुबै फिल्मको छायांकन सुरु हुन सकेको छैन । यी दुई फिल्म बन्छन् या बन्दैनन् पनि पक्का भएको छैन । बरु, प्रदीप एक भारतीय फिल्म खेल्नका लागि भारतमा नै दौडधुप गरिरहेका छन् । उनले, तत्काल नेपाली फिल्मको काम सुरु गर्ने संभावना छैन ।
५. सौगात मल्लः नेपाली फिल्म क्षेत्रका अर्का व्यस्त नायक हुन्, सौगात मल्ल । सौगात मल्ल अभिनित ‘पशुपति प्रसाद २’ दशैंमा रिलिज भयो । तर, यो फिल्मको प्रचारमा सौगात खासै देखिएनन् । सौगात विगत केही समयदेखि फिल्म ‘अगस्त्य’को छायांकनमा व्यस्त छन् ।
यो फिल्मका लागि उनले १० केजी तौल बढाएर फेरि १० केजी तौल घटाएका छन् । यसपछि, सौगातले नयाँ फिल्म ‘बलिदान’मा काम गर्नेछन् । सन्तोष सेनको निर्देशनमा बन्ने यो फिल्मको छायांकन पौष महिनाबाट सुरु हुनेछ । सौगातले फिल्म ‘पञ्चामृत र कोतपर्व’ पनि साइन गरिसकेका छन् ।
६. खगेन्द्र लामिछानेः नायक खगेन्द्र लामिछाने अभिनित फिल्म ‘दिमाग खराब’ हलमा लागिरहेको छ । यो फिल्मले बक्स अफिसमा राम्रो कमाई गरिरहँदा खगेन्द्रले नै निर्माण गरेको फिल्म ‘पशुपति प्रसाद २’ले दशैंमा बक्स अफिसमा सुखद कमाई गर्यो । खगेन्द्रले अब फिल्म ‘बरिष्ठ बलराम’को छायांकन सुरु गर्नेछन् । पौष महिनाबाट यो फिल्मको छायांकन सुरु हुने बताइएको छ । योसँगै खगेन्द्र ओटीटी प्लेटफर्म ‘सिनेमा घर’को प्रमोशनमा पनि व्यस्त देखिन्छन् । उनले, अब फिल्म ‘पशुपति प्रसाद ३’को कथा पनि लेख्नुपर्नेछ ।
७. दीपकराज गिरीः नेपाली बक्स अफिसका राजा मानिने नायक दीपकराज गिरीले केही समय अगाडि मात्र नयाँ बाँनेश्वरमा ‘आईएनआई सिनेमाज्’ संचालनमा ल्याएका छन् । जसकाकारण, उनी हलकै प्रमोशनमा बढी समय दिइरहेका छन् । यो बाहेक दीपकराज गिरी नयाँ फिल्मको लेखन कार्यमा पनि व्यस्त छन् । आउँदो बर्षको दशैंमा फिल्म रिलिज गर्ने घोषणा उनले गरिसकेका छन् । जसकाकारण, उनले धमाधम फिल्मको कथा लेख्ने काम गरिरहेका छन् ।
८. पुष्प खड्काः गतबर्ष ३ वटा फिल्म बक्स अफिसमा असफल भएपछि नायक पुष्प खड्का मौन छन् । उनले, कुनै पनि नयाँ फिल्म साइन गरेका छैनन् । तर, पुष्पको व्यस्तता म्युजिक भिडियोमा भने सर्वाधिक धेरै देखिन्छ । पुष्प खड्काले गतबर्ष ‘कृष्णलीला, मनसँग मन र तिम्रो मेरो साथ’मा काम गरे । यी तिनै फिल्म नचलेपछि उनले नयाँ फिल्म साइन गर्न डराइरहेका छन् । तर, म्युजिक भिडियो भने उनको महिनामै दर्जन बढी सार्वजनिक भैरहेका छन् ।
९. आकाश श्रेष्ठः नायक आकाश श्रेष्ठको यो बर्षको भदौंमा ‘हिड्दा हिड्दै’ फिल्म रिलिज भयो । यो फिल्म बक्स अफिसमा असफल भएपछि आकाशको हातमा पनि नयाँ फिल्म छैन । फिल्म नभएपनि आकाश म्युजिक भिडियोमा भने व्यस्त छन् । उनको हातमा भिडियोको अभाव छैन । यो बाहेक आकाश प्रेमिका करुणा श्रेष्ठसँग विदेश यात्रामा पनि केही हप्ता अगाडि व्यस्त देखिएका थिए । आकाशको व्यस्तता पनि म्युजिक भिडियोमा मात्र देखिएको छ ।
१०. मुकुन भुषालः नेपाली फिल्म क्षेत्रमा नायक मुकुन भुषालको व्यस्तता पनि गज्जबको छ । मुकुनले अभिनय गरेको ‘ऐँचो पैँचो र गणपती’ भदौ महिनामा रिलिज भए । यी दुबै फिल्म बक्स अफिसमा चलेनन् । तर, पनि मुकुनको हातमा फिल्मको अभाव भने छैन । उनले, नयाँ फिल्म ‘ज्वाँई साब’को छायांकन सुरु गर्नुपर्नेछ । यस्तै, उनी अभिनित फिल्म ‘बिच्छेद’ पनि रिलिजको तयारीमा छ । उनले फिल्म ‘भाँडाकुटी र बिजुली’ पनि साइन गरेका छन् । तर, कुन फिल्मको पहिला छायांकन सुरु हुन्छ पक्का छैन ।
नेपाली फिल्म अहिले हामीले माथि उल्लेख गरेका नायकहरुको वरिपरी नै घुमिरहेको छ । यी बाहेक अन्य केही नायकहरु पनि छन्, जो जसोतसो फिल्म क्षेत्रमा टिकिरेका छन् ।
![‘नेपहपको श्रीपेच’को दोस्रो संस्करणको प्रशारण सुरु](https://snowberry.prixacdn.net/media/gallery_folder/Nephop%2520final%2520image%2520%2520copy_yoesDdG3Mo_ptsea8hdeuc7qggzf1s4lsfzgujbubonord4cpj0hdc8xetgeyibkjhxd6z8_ShaJRFIrcF_ckujlzcxpbgtbh5psmun56hfsctdcddeyr9eronsamafabtcrlai2pm2bvfb.jpg)
‘नेपहपको श्रीपेच’को दोस्रो संस्करणको प्रशारण सुरु
![आँचल र विवेकको जोडीलाई दर्शकले कती रुचाए ?](https://snowberry.prixacdn.net/media/gallery_folder/bar%2520and%2520badhu_pK5Ut4EdfA_bglcx7adpp5bayv8saxrggqwud9vkgyytlfueeuwoi9tffjkqs2keduajyli_0touEOXCIb_zb0hfwmgzranbeltffs1t549cvgdpa8bl1p2u2fd8umdpdiv5yvrqgfbynbn.jpg)
आँचल र विवेकको जोडीलाई दर्शकले कती रुचाए ?
![बोर्डबाट बिदा हुँदै गर्दा भुवनले भने–‘फिल्म क्षेत्रमा सरकारको लगानी शुन्य छ’](https://snowberry.prixacdn.net/media/gallery_folder/bhuwan%2520kc_Wkmnf0wViv_jhpefzrn6ico0ruwyoczfyutambsukrwq61jtlumxuz2phxwobl9clcesf3w_avaB2nm1F6_nkgpgfkw34grwyygicxxczxlvcwkikfftv2bvesjcqwamoacu4sk4vtlrvm1.jpg)
बोर्डबाट बिदा हुँदै गर्दा भुवनले भने–‘फिल्म क्षेत्रमा सरकारको लगानी शुन्य छ’
![‘अगस्त्य’ निर्देशक सौरभले घोषणा गरे नयाँ फिल्म ‘कर्मा’](https://snowberry.prixacdn.net/media/gallery_folder/karm%2520movie_VujH3IhZIU_cwhzwdiojeclzx6vznspgthtzzrrqjwgqpjzotw1bczkdpnamgismh4drntw_I2PFIxdK99_jmjqbfkl4w5fgzywpg67evwbm4rpt044cncyo07atnqngqzpkgsyl92o0pyr.jpg)
‘अगस्त्य’ निर्देशक सौरभले घोषणा गरे नयाँ फिल्म ‘कर्मा’
![भक्तपुरमा सुरु भयो ‘पूर्ण बहादुरको सारङ्गी’को सेकेन्ड सेड्यूल](https://snowberry.prixacdn.net/media/gallery_folder/purna%2520bhahadru%2520ko%2520sarangi_ao6WLpXeeb_jsne2lep8t5irwfancnhdfvo8nttae3twdzgplmyxl9msbkht3kyhh8ui68f_5v9o2z7JGf_exwmw9v5egl6imbjz78oewib45bs674pvunah2vozcsfok52c1h7dwjjcik6.jpg)
भक्तपुरमा सुरु भयो ‘पूर्ण बहादुरको सारङ्गी’को सेकेन्ड सेड्यूल
![के नरेनलाई फिल्म क्षेत्रले चिन्न नसकेको हो ?](https://snowberry.prixacdn.net/media/gallery_folder/naren%2520khadka_LhN2EkwyR5_lvs9etxkcndrbumytnojzsauafvkpeepb6ibgmztmec4zpocuz0ef5yxgxar_kPTRbj8LXs_xdp9qb1xizevertoctae6wybjieooxr8qtxrj36h8p5cfn3qbfbxkbrww8m1.jpg)
के नरेनलाई फिल्म क्षेत्रले चिन्न नसकेको हो ?
![सरोज खनाल भन्छन्–‘नेपाली फिल्म क्षेत्रमा गुटबन्दी छ’](https://snowberry.prixacdn.net/media/gallery_folder/saroj%2520khanal_dkPv25PDxg_r8r4giwpg5nxlkstiuewcwlahchnibtqe04octs8jtgcemsouvgztbzrqtvr_piRw3Bn4C2_ytqiqsqbhspa8iuslmchzltjgszhdyaixhzmswcvyxkxictijtsrsl3sqk71.jpg)
सरोज खनाल भन्छन्–‘नेपाली फिल्म क्षेत्रमा गुटबन्दी छ’
![‘नम्बरी सुन’को ट्रेलरमा प्रेम र द्धन्द्धको कुरा](https://snowberry.prixacdn.net/media/gallery_folder/numberi%2520sun_yKagEjcRzf_lqhltr5hdr8chwiuys1b7yqigam4oxljpqrvmfjdvunguu0jiewo8axkau3o_gMAKWtgsnC_camis7yawtw6uxqhxcotllk8jd9u4uxqwa7anclupkrwwsauqtfkdb0bifi9.jpg)
प्रतिक्रिया