बिदेश यात्राबाट फर्किएपछि मात्र नयाँ फिल्ममा काम गर्छुः स्वस्तिमा खड्का

लगातार फिल्म असफल भएपछि नायिका स्वस्तिमा खड्का हैरान थिइन् । उनको कामले प्रशंसा पाएपनि बक्स अफिसमा फिल्म असफल हुँदा समस्या परिरहेको थियो ।
तर, दशैँ र तिहारमा रिलिज भएका २ फिल्मले स्वस्तिमाको असफलताको बाटोलाई किनारा लगाइदिएको छ । अहिले उनी फुरुङ्ग छिन् । भदौमा रिलिज भएको फिल्म ‘ऐँचो पैँचो’देखि कार्तिकको अन्तिम साता रिलिजमा आएको फिल्म ‘दिमाग खराब’सम्म आइपुग्दा, स्वस्तिमा निकै व्यस्त भइन् । फिल्मको प्रचारमा उनी ३ महिना दौडधूप गरिन् ।
यसैले, उनी करिब डेढ महिना विश्राम लिने सोचमा छिन् । मेरो फिल्मसँगको कुराकानीमा स्वस्तिमाले भनिन्–‘करिब डेढ महिना म कुनै पनि फिल्मको सुट गर्दिनँ होला । विदेश यात्रामा जाने योजनामा छु । उसो त, मेरो विदेश यात्रा पनि फिल्मकै कामको सिलसिलामा हुनेछ ।’
हुनत, स्वस्तिमालाई फिल्मको अफर नआएको होइन । उनी, नयाँ फिल्मको स्क्रिप्ट पनि पढिरहेकी छिन् । तर, करिब डेढ महिना भने कुनै पनि काम सुरु नगर्ने उनले बताइन् ।
स्वस्तिमा आफू मेकरको रोजाइमा परिरहेको बताउँछिन् । उनले भनिन्–‘मैले फिल्म रोज्नु परेको छैन । म कुनै पनि फिल्मको रोजाई भन्दा पनि आफ्नो काम राम्रो गर्नुपर्छ भन्ने कुरामा बढी केन्द्रित हुन्छु ।’
स्वस्तिमा आफैले पनि फिल्म गर्ने तयारी गरिरहेकी थिइन् । तर, फिल्म ‘दिमाग खराब’को काममा व्यस्त भएपछि उनी यतै व्यस्त भइन् । अब, विदेश यात्रा सकेपछि मात्र कुन फिल्ममा काम गर्ने भन्ने निर्णय लिने उनले मेरो फिल्मसँग बताइन् ।

दया भन्छन्–‘दुखी आत्मा’ले बोलेको कथामा कुरा हुन जरुरी छ’

‘राजागञ्ज’ टिजरः अपहरित दुई बालकको खोजीमा प्रहरीको अप्रेसनको कथा

प्रिमियरमा ‘ममी’लाई प्रतिक्रियाः ‘अहिलेसम्मकै उत्कृष्ट नेपाली हरर फिल्म’

विशेष शोमा मन पराइयो लक्ष्मणको "सतीदेवी"

फिल्म 'मायाप्रीति' मा दिव्या

मिलनको निर्देशनमा ‘सुम्निमा’ निर्माणको घोषणा

‘हन्टर’मा अरुणको यस्तो लुक्स, के बाहिरिएकी हुन् गरिमा ?

प्रतिक्रिया