हाकिम र ब्रिजेशको ‘चिसो चिसो हावाले’ सार्वजनिक

‘चिसो चिसो हावाले’ बोलको गीत सार्वजनिक भएको छ । र्‍यापर हाकिम र गायक व्रिजेश श्रेष्ठको संयुक्त प्रस्तुतिमा तयार भएको गीतको भिडियो काठमाडौंमा एक कार्यक्रमको आयोजना गर्दै सार्वजनिक गरियो । गीतको भिडियोमा गायक श्रेष्ठ, र्‍यापर हाकिम, मोडल युकी, एलिस बहादुर सिंह लगायतको अभिनय छ ।

यो गीतले त्रिकोणात्मक प्रेमकथालाई दर्साउने गायक श्रेष्ठको भनाई छ । गीतमा चिसो हावालाई प्रेमको रुपमा कल्पना गरिएको छ । विवेक मगरको छायांकन र निर्देशन रहेको गीतको भिडियो नेस स्टुडियोमार्फत सार्वजनिक गरिएको छ ।

र्‍यापर हाकिमको ‘चोरीदेउ लौन मलाई’ लोकप्रिय मानिन्छ । साथै, बिज्रेशको ‘रङ्ग, ओ मैचा, डल्ली’ लगायतका गीत लोकप्रिय मानिन्छ ।