‘जुना’को टिजरमा छोरीको व्यथाको कथा

माघको २५ गतेबाट रिलिजमा आउन लागेको फिल्म ‘जुना’को टिजर सार्वजनिक भएको छ । बाल बिबाह गर्दा छोरीले पाउने दुख र पीडाको कथामा यो फिल्म बनेको छ । 

दीपक प्रसाद घिमिरेको निर्माणमा तयार भएको यो फिल्ममा जीवन सेन्चुरीको निर्देशन छ । यो फिल्ममा अस्मिता ढकाल, कृष्ण प्रसाद धिताल, देशभक्त खनाल र रश्मि भट्टको मुख्य भूमिका छ ।

फिल्मको टिजरमा सानो उमेरमै छोरीको बिहे गर्दा उसले पाउने दुख, पीडाको कथालाई देखाइएको छ ।

यो फिल्मको थुप्रै स्थानमा च्यारेटी शो समेत भइसकेको छ । फिल्म हेरेर दर्शकहरु रुँदै निस्किएका थिए । कतिपय स्थानमा त फिल्म हेरेर दर्शकहरु अस्पताल समेत भर्ना भएको निर्माणपक्षले बताएको छ । 

रामेश्वर हुमागाँइको छायांकन रहेको यो फिल्मलाई एउटा अभियानको रुपमा अगाडि सारिएको निर्माणपक्षले बताएको छ ।