‘अञ्जिला’को ‘डल्ले डल्ले खुर्सानी’मा नाचे दया र मिरुना

फागुनको २९ गतेबाट रिलिजमा आउन लागेको फिल्म ‘अञ्जिला’को ‘डल्ले डल्ले खुर्सानी’ सार्वजनिक गरिएको छ । सार्वजनिक यो गीतमा राजनराज सिवाकोटीको शब्द, संगीत र स्वर छ । गीतमा गायिका मेलिना राइको पनि स्वर सुन्न सकिन्छ ।
यो गीतमा मौलिक नेपाली शब्दहरु प्रयोग गरिएको छ । यसअघि राजनराजले नै तयार पारेको ‘चेप्टे चेप्टे’ बोलको गीतको लयसँग यो गीतको लय हुबहु मिल्छ ।
कविराज गहतराजले यो गीतको भिडियोलाई कोरियोग्राफी गरेका हुन् । राम कुमार केसीको छायांकन रहेको गीतको भिडियोमा नायक दयाहाङ राई र नायिका मिरुना मगरको नृत्य हेर्न सकिन्छ ।
फिल्मका निर्देशक मिलन चाम्सले यो गीतलाई फिल्मको प्रचारका लागि तयार पारिएको बताए । यो फिल्मले नेपाली महिला राष्ट्रिय फुटबल टिमकी क्याप्टेन तथा गोलरक्षक एञ्जिला तुम्बापोको जीवनी भन्छ ।
फिल्मले उनको बाल्यकालदेखि हालसम्मको कथा भन्ने निर्देशक चाम्सको भनाई छ । फिल्ममा एञ्जिलाको साथमा सुनिल थापा, दयाहाङ राई, विजय बराल, सिर्जना सुब्बा, माओत्से गुरुङ, वुद्दि तामाङ लगायतका कलाकारहरूको अभिनय छ ।
सुदिप बरालको छायांकन रहेको फिल्ममा मिलन श्रेष्ठको सम्पादन छ । मुन लभ इन्टरटेन्मेन्टको ब्यानरमा निर्माण भएको यो फिल्ममा प्रेम कुमार श्रेष्ठको लगानी छ । विनोद अग्रवाल र राजेश बगडिया फिल्मका सह–निर्माता हुन् ।

दया भन्छन्–‘दुखी आत्मा’ले बोलेको कथामा कुरा हुन जरुरी छ’

‘राजागञ्ज’ टिजरः अपहरित दुई बालकको खोजीमा प्रहरीको अप्रेसनको कथा

प्रिमियरमा ‘ममी’लाई प्रतिक्रियाः ‘अहिलेसम्मकै उत्कृष्ट नेपाली हरर फिल्म’

विशेष शोमा मन पराइयो लक्ष्मणको "सतीदेवी"

फिल्म 'मायाप्रीति' मा दिव्या

मिलनको निर्देशनमा ‘सुम्निमा’ निर्माणको घोषणा

‘हन्टर’मा अरुणको यस्तो लुक्स, के बाहिरिएकी हुन् गरिमा ?

प्रतिक्रिया