‘रामलाल जोशीको ‘बाआमा’ मेरै बारे लेखिएको त होइन लाग्छ, शब्दमा निकै शक्ति छ’
![](https://snowberry.prixacdn.net/media/gallery_folder/302914469_5096321033801603_3718257919503589606_n_Ms9b4jIGQD_8h87xoxc0o1yjcm7mq5w0gwshdpqf9wspzegu2jhexq8aj8wzim0k0jdvzc8_U4hXI733qs_u4tmsiacxfbfhr9gnrd61leufqnoynmjdk6fdopcr7rjvp0senntvj37j1yz.jpg)
प्रज्ञा डबलीमा शुक्रबार साहित्यकार, कलाकार र राजनीतिज्ञ एकै मञ्चमा थिए । उनीहरूलाई एकै मञ्चमा उभ्याउने काम गरेको हो मदन पुरस्कार विजेता साहित्यकार रामलाल जोशीको कथाकृति ‘बाआमा’ले । जोशीले नयाँ कृति ‘बाआमा’ बजारमा ल्याएका छन् ।
बुकहिल प्रकाशक रहेको ‘बाआमा’लाई शुक्रबार नेपाली कांग्रेसका महामन्त्री गगन थापा, महानायक राजेश हमाल, साहित्यकार नयनराज पाण्डे र सगुना शाहाले संयुक्त रूपमा विमोचन गरे ।
कार्यक्रममा बोल्दै नेता थापाले कृतिको खुलेरै चर्चा गरे । पुरै पुस्तक पढेको बताउँदै उनले पात्र र परिवेशको व्याख्या गरे । कथाका प्रत्येक शब्दले आफूलाई छोएको गरे ।
‘यो काल्पनिक कथा हो । यसको पात्र चरित्र कसैसँग मेल खाएमा केवल संयोग मात्रै हुनेछ । चलचित्र हेर्दा सबैभन्दा पहिला पर्दामा यो लेखिएको आउँछ । रामलाल जोशीले पनि पुस्तकको आमुखमा लेखेको भए सायद सबैलाई न्याय हुन्थ्यो,’ उनले पुस्तकको चर्चा गर्दै भने, ‘किनकि, ‘बाआमा’ किताब पढ्दै जाँदा यो बाको कथा हो । आमाको कथा हो । र, बाआमाको कथा त्यतिखेर मात्र हुन्छ जतिखेर सन्तानको कथा हुन्छ । सन्तान नभए बा र आमाको कथा हुँदैन । यो कुनै एक जना बाको, एक जना आमाको र एक जना सन्तानको कथा होइन । यो थुप्रै बाहरू, आमाहरू र सन्तानहरूको कथा हो । या तपाईं र मेरो जस्ता धेरैको बाआमाहरूको कथा हो । त्यसैले कथा पढ्दै जाँदा कहीँ मेरै बारेमा अथवा मेरो आफन्तको बारेमा लेखिएको त होइन भन्ने लाग्छ । कतै लेखकले मेरो कुरा थाहा पाएको त होइन भन्ने सम्म हुन्छ ।’
लेखक जोशीले सुरुमै बा भनेको विश्वास हो र आमा भनेको यथार्थ भएको कुरा सत्य भएको र सत्यभन्दा ठूलो अरू कुनै शक्ति नहुने टिप्पणी गरेका थिए । पाठकहरूको अगाडि बाआमा पढिरहँदा लेखकले अनेक मौका र चुनौती दिइरहने थापाले बताए । उनले पुस्तक पढ्दै गर्दा त्यस्ता कुराको आभास हुने बताए ।
‘ऐना कथा संग्रहमा रामलाल जोशीले हामीलाई सुदूरपश्चिमको पहाड मधेस घुमाएजस्तै बाआमाबाट संसार घुमाउँछन् । सुदूरका पहाडदेखि मधेस मात्रै होइन अमेरिकासम्म पुर्याउँछन् । किनकि बाआमा सुदूरपश्चिममा मात्रै छैनन्, सबैतिर छन्,’ उनले भने । चलचित्र जस्तो लाग्ने कथाहरूको संग्रह एउटा फोटोबाट सुरु भएको उनले बताए ।
‘एउटा छोरोले राम र लक्ष्मणको फोटो हेरिरहँदा बाको फोटो किन नभएको होला भनेर सोध्छ । त्यहीनिर कथा टुङ्गिन्छ । आमा भन्छिन्, फोटो राख्नु हुँदैन । किनकि फोटोले कहिल्यै पनि हँसाउँदैन । रुवाउँछ मात्रै । फोटो बोल्दैन । फोटोसँग हामी बोले पनि फोटोले जवाफ दिँदैन । जसले छोडेर जान्छन् त्यसको फोटो राख्नु हुँदैन । फोटो ज्यानमारा हुन्छ । आमाले भनेको त्यही फोटोको कथा छोरोले दोहोराएर भनेर टुङ्गिन्छ,’ कथाका केही अंशलाई सम्झँदै थापाले भने ।
बाआमालाई सबैभन्दा बढी माया सन्तानको हुने उनले बताए । ‘सन्तानलाई माया गर्दैगर्दा जब त्यो माया बाआमालाई र सन्तानलाई बाँड्नुपर्छ तब हामीलाई बाआमाको पक्षमा उभिनु पर्छ भन्ने लाग्छ,’ थापाले भने ।
महानायक राजेश हमालको तर्क पनि थापाको जस्तै थियो । उनले जोशीको किताब पढ्दै गर्दा आफू धेरै ठाउँमा रोकिएको बताएका थिए । ‘मैले अहिलेसम्म यो पुस्तक ७० प्रतिशत मात्रै पढ्न सकेको छु । धेरै ठाउँमा आफ्नै बाल्यकाल सम्झाउने कथाहरू यसमा छन् । मलाई पहिले पुस्तक पढेर सक्ने बानी थियो । अहिले पात्रहरूले डुबाउँछन् । बाआमाका पात्र र कथावस्तुले पनि मलाई निकै डुबायो र म अघि बढ्नै सकिन । तर, पुरा पढ्ने छु,’ हमालले भने ।
उनले आफ्नो आमाको स्मरण गर्दै बाआमाको चर्चा गरेका थिए । हमालले बाआमा निकै उत्कृष्ट र शक्तिशाली पुस्तक भएको टिप्पणी गरेका थिए ।
साहित्यकार शाहले पनि कथा संग्रह पढ्दा आफ्नै जीवन भोगाइ पढेझैँ भएको बताएकी थिइन् । ‘मलाई बाआमाका प्रत्येक शब्द/शब्दले छोयो । शब्द/शब्दमा रोए । यो कथा संग्रह पढ्नका लागि दरिलो मुटु चाहिन्छ । यी शब्द मेरो मात्रै नभर सबैको जीवनसँग मेल खान्छन् । यो विषयमा यति शक्तिशाली शब्द लेख्नसक्नु निकै ठूलो न्यायको विषय हो,’ शाहले भावुक हुँदै भनिन् ।
कथाकार पाण्डेले पनि पुस्कतकको चर्चा गरेका थिए ।
![‘खुल्ला कविता प्रतियोगीता’ आयोजना हुने](https://snowberry.prixacdn.net/media/gallery_folder/kabita_MoSEEdtEIa_3b6bprzrfbevdcjovups4pexhcl2zrflw7xjhr9ldk2i5wnko2h9fa7j5oss_N1QxKpXPZz_qr9s64ah7zxtfx67wvuqgbldbcxpfg9frlf8qp0hns2bganu9oqs5tpnmi1s.jpg)
‘खुल्ला कविता प्रतियोगीता’ आयोजना हुने
![सागर खड्काको नयाँ उपन्यास ‘राइपाली भञ्ज्याङ’ लोकार्पण](https://snowberry.prixacdn.net/media/gallery_folder/0I0A3346.JPG_hHL5gEJoJq_j9clgbg7uwxngiwfrr3vrvt8wkpdprubvo6swg7cut9rjpmlrkalkvsnbmyf_byN6jiXrSp_plejvwxh1osqaumefbdic5higyev3hnnu2qocxgn0t5siagnylmz00lsxlum.jpg)
सागर खड्काको नयाँ उपन्यास ‘राइपाली भञ्ज्याङ’ लोकार्पण
![पाँचौँ बाह्रखरी कथा लेखन प्रतियोगिताका लागि कथा आह्वान, प्रथमलाई एक लाख पुरस्कार](https://snowberry.prixacdn.net/media/gallery_folder/377710015_293759493291086_661891294559025713_n_WMSs9T3iqg_u2mdlmum4mt6esyyqretlyl2mhg4yor1idkycertyq7vkafk9rtbmkxjasqm_N2gl40AnK4_o7bhxeqhvnidoevw1v0knuepningi7xfetkl5lgcklcm3ianw7a2i5sxuzmc.jpg)
पाँचौँ बाह्रखरी कथा लेखन प्रतियोगिताका लागि कथा आह्वान, प्रथमलाई एक लाख पुरस्…
![मदन पुरस्कारका लागि पाँच उत्कृष्ट कृति सार्वजनिक](https://snowberry.prixacdn.net/media/gallery_folder/Capture.JPG-919_Tu5MyQN8Ba_rmmaighs6m7q8gsijvxox5iduspj74kfchj1brpkdy0a3m1ewalk1xcfmsda_ATeenruHh0_erswll7xeebq7izbchthzin52zgwfpmokhpzmwmsquy8gaurdih36pa3znrx.jpg)
मदन पुरस्कारका लागि पाँच उत्कृष्ट कृति सार्वजनिक
![अनलका ‘बार्दली’ तथा ‘दाहिने हाते सिक्का र साईकल’ लोकार्पण](https://snowberry.prixacdn.net/media/gallery_folder/e9b65d77-e04c-4c41-8422-0efd4d5ef7bf_5qKRDg0fpx_qkhswpvaxjkrtglgwmozuadedlpzray7sekre3rn74usey54jz4krivesfhq_9rHV1GjPnp_kfptvjwgwbmjrkvpdrmmz9hq4mqrzhturouthw36hwqmyij0hq2ra6kbzfwd.jpg)
अनलका ‘बार्दली’ तथा ‘दाहिने हाते सिक्का र साईकल’ लोकार्पण
![जेनिशा मानन्धरको उपन्यास ‘लस्ट लेटर्स’ सार्वजनिक](https://snowberry.prixacdn.net/media/gallery_folder/Lost%2520Letters%2520Bimochan_rPDz3OSwM4_pucxjtffvvzucqxgu35p47xbaqzu0jpc8fyzzdm6ehv1hmxtgmnhqrzv8wkv_0sNWcFD7Hx_5usgf5be4ylbwidsxjwxlztj7ytzymc2arytgfrghpo7wkvne8tsmj9h70qr.jpg)
जेनिशा मानन्धरको उपन्यास ‘लस्ट लेटर्स’ सार्वजनिक
![हीरा लामाको दलदल सार्वजनिक](https://snowberry.prixacdn.net/media/gallery_folder/328044103_836372864122920_6308656213045065498_n.jpg_SDRxBsBX2Y_qeph8uidr3twgbzu5iqqeavflneivhixj0heedkwt7xm7qj66tjechnhgaza_JwH06X7MBQ_nxze9q1vfix0bbfugowmhmjpu1yhjwawsl3e4nrzwhrjx7rzkuzmu5pay38c.jpg)
हीरा लामाको दलदल सार्वजनिक
![यशोधरा उपन्यासः पुस्तकमा छायामा परेकी यशोधाको पर्खाइ र त्याग](https://snowberry.prixacdn.net/media/gallery_folder/Book-Bimochan-2-.JPG_QuyvnOrsvB_sw30tz52phbhw3v7dglsjhdqxfxtytgatu5fgt29t2ph0jaee5mpto2ntfxx_9mwBL2Vxo6_ukmkah0hc8lyucs1qyxsjetyez852tzlqaggquja2s1t0qugzk6zf9vselqz.jpg)
प्रतिक्रिया