उद्योग वाणिज्य महासंघको मनोरञ्जन फोरम विस्तार

नेपाल उद्योग वाणिज्य महासंघको कार्यकारिणी समिति विस्तार भएको छ । यसमा अन्यसँगै मनोरञ्जन फोरमले पनि विस्तार गरेको छ। कार्यकारिणी समिति सदस्य आकाश अधिकारीको सभापतित्वमा गठित चलचित्र तथा मनोरञ्जन पनि विस्तार गर्दै मनोरञ्जनको फोेरम पुरा भएको छ ।
फोरमको सहसभापतिहरुमा चलचित्र संघका अध्यक्ष मधुसुधन प्रधान र नेपाल संगीत उद्योग संघका अध्यक्ष सूर्यबहादुर मगर छानिएको छ भने फोरमका सदस्यमाहरुमा नेपाल विज्ञापन संघका निवर्तमान अध्यक्ष रविन्द्रकुमार रिजाल शशी, नेपाल कलाकार संघका कोषाध्यक्ष सुनिल कट्वाल, फिल्म निर्देशक मदन घिमिरे,फिल्म निर्माता संघका सचिव छविराज ओझा, संगीत तथा चलचित्र उत्पादक समाजका अध्यक्ष निर्मल ढकाल, प्रस्तोता समाजका निवर्तमान अध्यक्ष तुलसी पराजुली रहेका छन् ।

त्यस्तै, आमन्त्रित सदस्यहरुमा निर्देशक समाज अध्यक्ष रक्षा सिंह राणा, गायिका इन्दिरा जोशी, अभिनेत्री नीता ढुंगाना, हाँस्यअभिनेता केदार घिमिरे, नृत्यनिर्देशक दिनेश पाख्रिन, लोकगायिका मञ्जु पौडेल, निर्देशक प्रदीप श्रेष्ठ, पत्रकार सामप्यि तिमल्सिना, कलाकार सुशान्त श्रेष्ठ, धर्मेन्द्र आचार्यं, पवित्रा आचार्य, सम्पादक शिव पुरी छन् । यस फोरमका सल्लाहकारहरुमा नीर शाह, गीतकार भोला रिजाल, प्राध्यापक एवं चलचित्र निर्देशक राजेन्द्र सलभ, कमला श्रेष्ठ र प्रेमा राज्यलक्ष्मी सिंह रहेका छन् ।