प्रिमियरका ‘ए मेरो हजुर ४’लाई उत्कृष्ट प्रतिक्रिया, अनमोल र सुहानाको अभिनयको तारिफ

Mero Film

नायक अनमोल केसीले आफ्नो आठौ फिल्ममा आएर अभिनयमा पनि तारिफ पाएका छन् । यसअगाडि अनमोलको अभिनय भन्दा पनि उनको चकलेटी अनुहारको मात्र चर्चा हुने गरेको थियो । दर्शक, समीक्षक र फिल्मीकर्मीले अनमोलको अभिनयमा सधै खोट लगाइरहेका थिए ।

तर, आठौ फिल्ममा अनमोलले अभिनयमा निखारता ल्याएका छन् । फिल्म हेर्न पुगेकी नायिका केकी अधिकारी, स्वस्तिमा खड्का, नायक सरोज खनाल, नायिका करिश्मा मानन्धर लगायतले अनमोलको अभिनयको खुलेरै तारिफ गरे । स्वस्तिमाले भनिन्–‘कलाकारले उत्कृष्ट अभिनय गरेकै कारण फिल्मले बाँधेर राख्न सफल भएको हो ।’

नायिका केकी अधिकारीले पनि कलाकारहरुको अभिनयमा अघिल्लो फिल्ममा भन्दा यसमा आफूले ठूलो भिन्नता पाएको बताइन् । उनले, फिल्म हेर्दा आफू कैयौ पटक रोएको र धेरै पटक रमाएको बताइन् ।

फिल्मका कलाकार तथा नायक सरोज खनालले अनमोल केसीको अभिनय हेरेपछि आफू अचम्मित भएको बताए । उनले, अनमोलले अभिनयमा ल्याएको निखारताले दर्शकलाई सरप्राइज दिने प्रतिक्रिया दिए । नायिका करिश्मा मानन्धरले पनि फिल्म हेर्दा आफू कैयौं पटक रोएको र फिल्मले मन छोएको बताइन् ।

फिल्म हेर्न हलमा पुगेका अधिकांश फिल्मीकर्मी, पत्रकारले कथावस्तु र अभिनयलाई उत्कृष्ट भनेपछि नायक अनमोल केसीले खुशी व्यक्त गरे । उनले आफूले आफूलाई कहिल्यै पनि पर्फेक्ट नभनेको भन्दै मिहिनेत सधैभरी गरिरहने बताए । निर्माता सुनिल कुमार थापाले आफू फिल्मलाई लिएर ढुक्क रहेको प्रतिक्रिया दिए ।

भोलीबाट देशभरका हलमा रिलिज हुन लागेको यो फिल्मको बुकिङ अन्तिम समयमा आक्रामक देखिएको छ । झरना थापा निर्देशित यो फिल्ममा अनमोल केसी, सुहाना थापा, सलोन बस्नेत लगायतको मुख्य भूमिका छ ।


Leave a Reply

Your email address will not be published.