बर्षा र मिलनको निकटता

निर्देशक मिलन चाम्सको काम गर्ने शैली रमाइलो छ । उनी आफ्नो फिल्मकी हिरोइनसँग निकै नजिक हुन्छन् । उनले, फिल्म ‘हँसिया’ बनाउँदा त्यसकी अभिनेत्री हेमा श्रेष्ठसँग उनी नजिक भए । हेमालाई बहिनी भन्दै उनले निकै प्रमोशन पनि गरे । तर, फिल्म चल्ने बेलामा हेमाले साथ नदिएपछि अबदेखि कसैलाई पनि बहिनी नबनाउने भन्दै उनले गुनासो गरे ।

फिल्म ‘ब्लाइन्ड रक्स’ निर्देशन गर्ने समयमा मिलनको निकटता अभिनेत्री वेनिशा हमालसँग देखियो । बेनिशाको प्रशंसा गरेर उनी थाकेनन् । अहिले यो फिल्म चलेर उत्रिसकेको छ । बेनिशा र मिलन सार्वजनिक कार्यक्रममा खासै देखिएका छैनन् । अहिले, फेरि मिलनको निकटता अभिनेत्री बर्षा सिवाकोटीसँग देखिएको छ ।
बर्षा मिलनले नै निर्देशन गरेको फिल्म ‘लिलिबिली’को प्रेश शोमा समेत उपस्थित थिइन् । बर्षा र मिलन अहिले नजिक भएको फिल्म क्षेत्रमा चर्चा हुन थालेको छ । बर्षालाई लिएर मिलनले फिल्म ‘बिर विक्रम २’ निर्देशन गर्दैछन् । मिलनको निकटता अभिनेत्रीहरुसँग बढी देखिन्छ । हेमा, वेनिशादेखि बर्षासम्म आउँदा फिल्म बनाउने मेशिन नै बनेका मिलन अभिनेत्रीहरुसँग मात्र क्लोज देखिएका छन् ।