दीपशिखाले ज्यान बनाउने जस्तो रहर अभिनयमा पनि गरेको भए

Mero Film

कलाकारहरु आफूले काम गरेका फिल्म फ्लप भयो भने, आशा गरेको फिल्मलाई आधा दर्जन फिल्म खेलेपछि पनि डेब्यू भन्दिन बेर लाउँदैनन् । डेब्यूको अर्थ नै कलाकारले बुझ्दैनन् ।

अभिनेत्री दीपशिखा खड्कालाई नै हेरौँ । उनी पनि आफूले नै बनाएको ‘प्रेमलिला’ फिल्मलाई डेब्यू भनिरहेकी छिन् । यस अघिका फिल्म असफल भए होलान्, तर ती फिल्मका निर्माताले के सोचे होलान् ? के उनलाई डेब्यू गराएकोमा अब उनीहरुले पछुताउनु ?

दिपशिखाले प्रेमलिला फिल्मका लागि गर्नुसम्म मिहेनत गरेकी छिन् । उनले त, कपाल मुण्डन गरिन्, शरीरमा प्याक्स नै निकालेकी छिन् । दिपशिखालाई अहिले आफूले मुण्डन गरेकाले, हिरोको जस्तो ज्यान बनाएकाले दर्शकले फिल्म हेरिदिनुपर्छ भन्ने लाग्न थालेको छ ।
तर, दर्शकले उनलाई अघिका फिल्ममा नै क्लिक गरिदिएको भए उनले अहिले टाउकोको कपाल काटेको र ज्यान बनाएको कुरालाई प्रचार गर्नै पर्दैनथ्यो । दर्शकले आफैँ गरिहाल्थे ।

तर, दीपशिखाले भने अहिले शरीर बनाएको फोटो देखाएरै दर्शक तान्ने धुन कसेकी छिन् । यसरी शरीर बनाउनमा गरेको कसरत अभिनयमा पनि गरिदिएको भए, अहिले डेब्यू फिल्म भन्दै भौतारिनु पर्थ्यो र ?


Leave a Reply

Your email address will not be published.