फिल्मका निर्देशकलाई छैन काम, म्युजिक भिडियोकालाई चामै चाम
![](https://snowberry.prixacdn.net/media/gallery_folder/teej-geet3-1_UyJFMaYEAD_3vx1twzmjkgzdmgl2n0pane8xg87ns2ehrva9qf3fbcpvxre3gzaez1oodyj_VVpBQ49HKN_nhb20hoxf2vuht46epute3kzn9bojyd4qnnekurgsjwdu6rlklnwfudfsp2w.jpg)
कोरोनाका कारण फिल्म क्षेत्र चलायमान बन्न सकेको छैन । केहि फिल्मको छायांकन भइरहेता पनि प्रदर्शन गर्नका लागि हल खुलेका छैनन् भने पहिलो निषेधात्रापछि हल खुले पनि दर्शक हलमा गएनन् । फिल्मका निर्देशक बेरोजगार भएका छन् भने वैकल्पिक कामको खोजिमा रहेका छन् । कोही सिरियल तिर लागेका छन् ।
यस्तो अवस्था सरकारले निषेधाज्ञा खुकुलो बनाएसँगै म्युजिक भिडियोका निर्देशकहरुलाई भिडियो खिच्न चटारो छ । अहिले उनीहरु दैनिक रुपमा दुइ देखि ३ वटा म्युजिक भिडियो खिचाइरहेका छन् । नजिकिदै गरेको महिलाहरुको हरितालिका तीज लक्षित गीतहरुको छायांकन धमाधम भइरहेको छ भने अन्य गीतको म्युजिक भिडियो निर्माणका पनि उतिकै मात्रामा बढेको छ । यसका कारण भिडियो निर्देशकहरुलाई भिडियो निमौण गर्न दसैँ नै आएको हो ।
तीजले छपक्कै छोपेको छ भने आउन लागेको दसैँका बारेमा गीतका भिडियो निमार्ण भइरहेका छन् । अन्य समयमा भन्दा यो समयमा भिडियोका निर्देशकहरु ब्यस्त देखिन्छन् । किनभने तीजको सिजन भएका कारण जति सक्दो चाडो म्युजिक भिडियो निर्देशनन गर्नुपर्ने भएकोले दैनिक २ वटा भन्दा बढि गीतको छायांकन गरिरहेको निर्देशकहरु बताउँछन् ।
सरकारले निषेधाज्ञा खुलुको भएपछि म्युजिक भिडियो निर्देशक प्रकाश भट्टले ३ दर्जन भन्दा बढि भिडियो निर्देशन गरेका छन् ।
निर्देशक भट्टका अनुसार निषेधाज्ञा केहि खुलेपछि यता उनी एकदिन पनि फुर्सदमा बस्नुपरेको छैन । एक महिना अघि सरकारले आंशिक रुपमा निषेधाज्ञा खुकुलो गरेपछि कलाकार छायांकनमा पुर्याउन सजिलो भएको समेत उनले बताए । त्यो भन्दा अघि गाडी नचल्दा गाडीमा मान्छे ओसार्दा हैरान हुने गरेको आफ्नो अनुभव सुनाए ।
अहिले मोडल तथा निर्देशक शंकर बिसीलाई पनि काममा भ्याइ नभ्याइ भएको छ । भोपुरी फिल्म माहीको नृत्य निर्देशन गर्न भारत पुगेका शंकर बिसीले पनि दैनिक २ वटा म्युजिक भिडियो खिचिरहेका छन् । यता शिव बिकलाई पनि कामको चटारो रहेको छ ।
काजिश श्रेष्ठलाई पनि अहिले तीज गीतको भिडियो छायांकन गर्नुपर्ने उस्तै चटारो रहेको छ । उनले धेरै जसो दैनिक रुपमा २ वटा म्युजिक भिडियो छायांकन गर्दै आएको जानकारी दिएका छन् । कुनैमा आफै मोडलिङ गरेका छन् भने धेरै जसोमा भने उनी निर्देशकका रुपमा काम गरिरहेका छन् ।
आधुनिक गीतको निर्देशनमा पछिल्लो समय चर्चामा आएका सान थापाले पनि यो एक महिनाको अवधिमा आधा दर्जन भन्दा बढि म्युजिक भिडियो निर्देशन गरिसकेका छन् । थोरै तर, राम्रो काम गर्ने म्युकिज भिडियो निर्देशकका रुपमा परिचित सान थापाले काम धेरै आएता पनि थोरै मात्र म्युजिक भिडियो निर्देशन गरेको बताए ।
लोकगीतको म्युजिक भिडियोमा परिचित निर्देशक हुन बिक्रम चौहानले पहिलाको तुलनामा कम म्युजिक भिडियो निर्माण भएको भएपनि खाली बस्नु नपरेको बताए । उनले कोरोनाको महामारी फैलिरहेको अवस्थामा थोरै कलाकार र प्राविधिक राखेर भिडियो खिचाइरहेको बताए ।
स्वास्थ मापदण्डको के छ पालना
कोरोना संक्रमित बढिरहेता पनि लोकगीतका छायांकनमा स्वास्थ्य मापदण्ड अपन्याएर छायांकन गर्न कठिन हुने निर्देशक प्रकाश भट्ट बताउँछन् । उनका अनुसार दर्जनौ कलाकारहरुलाई एकै ठाउँमा नचाउनु पर्ने भएकाले कामको सुरुवात देखि नै एउटै टिममा काम गर्दै आएकालाई मात्र सुटिङमा बोलाउने गरेका छन् ।
‘भिडियोमा छायांकनमा सबैले माक्स लगाउने कुरा भएन तर, छायांकन स्थलमा स्यानिटाइजर लगायतका सामानहरु भने प्रयोग गर्दै आएछौ,’उनले भने,‘कोही विरामी भएको खण्डमा भने वा अस्वस्थ भए छायांकनमा आउनुहुन्न । नत्र सबैले सधै काम गर्नुपर्ने बाध्यता भएका कारण कोरोनाको जोखिम कम हुन्छ ।’ एउटा तीजको गीत छायांकन गर्दा ५० जनाको ग्रुप हुने गरेका छन् । तर अहिलेसम्म कुनै समस्या नदेखिएको निर्देशक भट्टले बताए ।
यता अर्का भिडियो निर्देशक बिक्रम चौहानले पनि छायांकनका बेला स्यानिटाइजर प्रयोग गर्दै आएको बताए । उनले निषेधाज्ञापछि प्रमोद खरेल लगायत तीजका गीतमा छायांकन गर्दा स्यानिटाइजर लगाउदै काम गरेको बताए । उनले भने,‘पहिलाको तुलनामा थोरै कोरस राखेर तीजका गीत निर्माण गर्दै आएको छु । यस्तो बेला पर्दा पछाडीका मान्छेहरुले माक्स र स्यानिटाइजर अनिवार्य गरेका छौँ । तर, भेला हुँदा भने माक्स लगाउन सबै कोरसलाई अनिवार्य गर्ने गरेको छु । आधुनिक गीतको छायांकनमा भने थोरै कलाकार र प्राविधिक हूँदा भने जोखिम कम हुन्छ ।’
यता निर्देशक साना थापाले कोभिडको जोखिम कायमै रहेता पनि छायांकन बेला अभिनेता अभिनेत्री तथा अभिनय कर्तालाई माक्सलगाएर काम गराउन नमिल्ने बताए । त्यो बाहेक पर्दा पछाडी काम गर्ने निर्देशक , क्यामेरामेन,लगायत प्राविधिकहरुले भने माक्स लगाउने गरेको सुनाए । उनले भने,‘ पछिल्लो कोभिडमा जोगिदै काम गर्नु पर्ने बाध्यताहरु रहेको छ । तर, पनि थोरै कलाकार तथा प्राविधिकहरु राखेर अहिले छायांकन गरिरहेको छु ।’
![अन्तर्राष्ट्रिय मिडियामा छाइरहेकी जेन दीपिका ग्यारेट (फोटो फिचर)](https://snowberry.prixacdn.net/media/gallery_folder/dee_3zLrahp93c_awh6u58gb1ofyealhkdpjfi2bxiccj0pitgkwnvjfp25ju6ahdrnde2aittj_IF7ZlOzdtS_vi9fdpxdzmooagz3rvtljscz1n2lgsrf1qafugdtvefhplfnbkmnxgks6vmi.jpg)
अन्तर्राष्ट्रिय मिडियामा छाइरहेकी जेन दीपिका ग्यारेट (फोटो फिचर)
![फोटो फिचर ‘म यस्तो गीत गाउछु २’ को प्रिमियर](https://snowberry.prixacdn.net/media/gallery_folder/mayesto_NlGTgJWz9O_3zvybskuzi0dqvb49e49egp3mensuigvuldbsvto4blbzzekgnxtd8rv777r_SR8ynr95Aa_gyb9qod3qssotkxzqh6zcvfnki6usqoizlf1tjmzlnpyenoc42donjqnlwc1.jpg)
फोटो फिचर ‘म यस्तो गीत गाउछु २’ को प्रिमियर
![लता मंगेश्करका ‘तीन’ नेपाली गीत](https://snowberry.prixacdn.net/media/gallery_folder/lata-1-scaled_ivBV4NmQtj_ss08x35dz99bzxbr4lnjtbajomciuzngi1ie1nrnothh3km9bmg0cswj63gz_3MP448M8Ga_xmjebyzdcvgiru8ma1kpqszipisxqm9o70iafkiubdxq1on5cvm5p6tgd6t7.jpg)
लता मंगेश्करका ‘तीन’ नेपाली गीत
![फिल्ममा जाने हो भने थिएटरतिर नअल्मलिए हुन्छ : विपिन कार्की](https://snowberry.prixacdn.net/media/gallery_folder/bipen-karki-merofilm-3-1_aMXlM6wkKH_dsevqy9mn4zer7foarzp6p0gj6jow43qg7kglmrtqecgfggsjmnm8lrc2hv0_BTRzaQMupP_ewfd46k9jiz4qnlvo42qwvlz01sndmww9m6akxzmy6pfvxgruu8n2ktkgrgw.jpg)
फिल्ममा जाने हो भने थिएटरतिर नअल्मलिए हुन्छ : विपिन कार्की
![नेपालमा फिल्मको प्रदर्शन मितिलाई लिएर पुनः अन्यौल सुरु हुदै !](https://snowberry.prixacdn.net/media/gallery_folder/all-scaled_P6wTnaHY3t_0rcofku4kd4wzccnt6kirsysv2jtinfxonuxv5wzasfnkafreptrpg0a3jfz_T8bEXHN09m_4oen907pkvcae3fgypqhmgd9toqkx5fdnxhaf0ciu6trwq9fd5cftgoqxfrd.jpg)
नेपालमा फिल्मको प्रदर्शन मितिलाई लिएर पुनः अन्यौल सुरु हुदै !
![गायक राजेश पालय राईमाथि न्युयोर्कमा हातपात (भिडियो सहित)](https://snowberry.prixacdn.net/media/gallery_folder/raje_31gXOqlbQp_hzqoq2jrl8antc9mdzwsfytcdni6rrnxaffengw4zt98hmyrry4xajbisn5q_24uYcd0WlW_hiydytmk1miawlt7xyqjx3flljfplojquiwljlld8mlqkhp6g8rdghowp3a5.jpg)
गायक राजेश पालय राईमाथि न्युयोर्कमा हातपात (भिडियो सहित)
![यी अभिनेत्रीहरूले हेण्डसमको हृदयमा विछोडको छुरा चलाए](https://snowberry.prixacdn.net/media/gallery_folder/all-higo_bR2auavnjB_tkdgdm1kippntvlqrwbdeqia9jdhqi1pso5sy4vgffrakhy3nrpyosgs5crn_Q2HErtp5P9_y3fqpqzalnafjjhlax59hsydewiqlaafyyenbdbpemc1bxkqw9zamvfoog0f.jpg)
यी अभिनेत्रीहरूले हेण्डसमको हृदयमा विछोडको छुरा चलाए
![राजेश हमालको सुझाव सरकारले सुन्ला र ?](https://snowberry.prixacdn.net/media/gallery_folder/rajesh-hamal-_86AhfkaOPf_xr1toxh6rocuj2oxzpnhutzznnoksjijuyctyujblssvzztjlls2qutnspxr_Sp4J1qR7nP_m5jykkc6tipadmr7pnr13rcw3z1wf7sub0e8fh6bzubwp1vl3cgr6etiwnuu.jpg)
प्रतिक्रिया