फिल्ममा जाने हो भने थिएटरतिर नअल्मलिए हुन्छ : विपिन कार्की
![](https://snowberry.prixacdn.net/media/gallery_folder/bipen-karki-merofilm-3-1_aMXlM6wkKH_dsevqy9mn4zer7foarzp6p0gj6jow43qg7kglmrtqecgfggsjmnm8lrc2hv0_o8FfAolwof_ts9nzlluqd2pa38633uv63rhimwnofu6dk2ks7m2kvwprh6hwebtwcblhwcm.jpg)
अभिनेता विपिन कार्कीले फिल्ममा अभिनय गर्न चाहानेले थिएटरतिर नअल्मलिन सुझाव दिएका छन् । उनले आफ्नै अनुभव प्रस्तुत गर्दै थिएटर र फिल्म फरक माध्यम भएकाले फिल्ममा अभिनय गर्न चाहानेले फिल्मकै माध्यम समात्न सुझाव दिएका थिए ।
‘हामीलाई पनि सुरुमा यी दुई विधामा यतिविधि भिन्नता होला जस्तो लागेको थिएन । तर दुवैमा व्यापक भिन्नता रहेछ । अहिले छड्केको विन्दु हेर्दा मैले कति धेरै लाउड गरेछु भन्ने महसुस हुन्छ ’ मंगलबार अस्कर इन्टरनेसनल कलेज, कलेज अफ फिल्म स्टडिजका १६ औँ ब्याचका विद्यार्थीसँग अन्तक्र्रिया गर्दै विपिनले यस्तो धारणा राखेका थिए ।
गुरुकुल नाटक घरमा नाटकको प्रशिक्षण लिएका विपिनले ‘आचार्य’ फिल्ममा सानो भूमिकामा अभिनय गर्दै ठूलो पर्दाको यात्रा सुरु गरेका थिए । ‘लुट’मा पनि सानो भूमिकामा मै देखिएका विपिनले ‘छड्के’ गरेको विन्दु नामको भूमिकाले धेरैको मन जितेका थिए । तर अलि पछि रिलिज भएको ‘पशुपतिप्रसाद’मा गरेको भष्मे डनको भूमिकाले भने विपिनलाई अभिनयमा बहुआयामिक कलाकारको रुपमा स्थापित गरेका थिए ।
विद्यार्थीसँगको कुराकानीमा उनले आफूले गर्ने चरित्रको तयारीदेखि फिल्ममा चाहिने समर्पणसम्मको चर्चा गरेका थिए ।
आफूले निर्वाह गर्ने चरित्रमा कसरी डुब्नु हुन्छ ? भन्ने विद्यार्थीको प्रश्नमा विपिनको जवाफ थियो, ‘सबैका चरित्रमा पस्ने आआफ्नै तरिका हुन्छ । म चाहिँ स्क्रिप्ट कण्ठ पारेर यसको सुरुवात गर्छु । म स्क्रिप्ट कण्ठ पार्छु र यसो हुँदा मलाई चरित्रको सबै आयामको बारेमा थाहा हुन्छ । यसपछि चाहिँ म चरित्रलाई कसरी फरक गर्न सकिन्छ भनेर काम गर्छु ।’
उनले फिल्ममा करियर बनाउन जिन्दगी नै यही भनेर लाग्नुपर्ने पनि विद्यार्थीलाई सुझाएका थिए ।
दुई घन्टा लामो अन्तक्र्रियामा गुरुकुलका दिनदेखि अहिलेका दिनसम्मको चर्चा गरेका विपिनले फिल्ममा सफल हुन साना साना लक्ष्य लिन र ती पूरा भएपछि अर्को लक्ष्य लिन सुझाएका थिए ।
‘सुरुमा गुरुकुलमा छिर्दा मलाई पुग्यो भन्ने लागेको थियो । तर सौगात दाइ (सौगात मल्ल) फिल्ममा रमाएको देखेपछि म पनि फिल्ममा जान्छु भन्ने भयो । फिल्ममा पनि मैले सानो भूमिकाबाट सुरु गरेँ र यसमा पनि खुसी थिएँ । मेरो तपाईँहरुलाई यही सुझाव छ, सानो लक्ष्य लिनुस् र त्यो पूरा भएपछि अर्को लक्ष्य बनाउनुस्,’उनले विद्यार्थीलाई सुझाएका थिए ।
अस्कर कलेजले कलेजमा भर्ना भएका विद्यार्थीलाई फिल्म उद्योगका अनुभवीको अनुभव सुनाउन दुई हप्तादेखि फिल्मको विभिन्न विधाका व्यक्तिलाई अन्तक्र्रियामा निम्त्याउँदै आएको छ । चार हप्तासम्म चल्ने यो अन्तक्र्रियामा यसअघि नीर शाह, सुरक्षा पन्त, विपिन स्थापित, मुकुन भुसाल, स्वस्तिमा खड्का, प्रदीप भट्टराई, निरञ्जनराज भेटवालले विद्यार्थी माझ आफ्नो अनुभव बाँडिसकेका छन् ।
कलेजका एकेडेमिक कोअर्डिनेटर मनोजबाबु पन्तले नयाँ विद्यार्थीलाई भविष्यमा उनीहरुले काम गर्ने उद्योगको विषयमा पर्याप्त जानकारी होस् भन्ने उद्देश्यले आफ्नो विधामा स्थापित फिल्मकर्मीलाई निम्त्याएको बताए ।
‘किताबी ज्ञानसँगै व्यवहारिक ज्ञान पनि विद्यार्थीले हासिल गरुन् भनेर हामीले उद्योगका प्रोफेसनललाई विद्यार्थीसँग साक्षात्कार गराएका हौँ । यो अवसर भोलिका दिनमा एक अर्कालाई जोड्न सेतुका रुपमा काम गर्छ कि भन्ने पनि हाम्रो विश्वास हो,’ पन्तले भने ।
अस्कर कलेजको यो १६ औँ ब्याच हो ।
![अन्तर्राष्ट्रिय मिडियामा छाइरहेकी जेन दीपिका ग्यारेट (फोटो फिचर)](https://snowberry.prixacdn.net/media/gallery_folder/dee_3zLrahp93c_awh6u58gb1ofyealhkdpjfi2bxiccj0pitgkwnvjfp25ju6ahdrnde2aittj_IF7ZlOzdtS_vi9fdpxdzmooagz3rvtljscz1n2lgsrf1qafugdtvefhplfnbkmnxgks6vmi.jpg)
अन्तर्राष्ट्रिय मिडियामा छाइरहेकी जेन दीपिका ग्यारेट (फोटो फिचर)
![फोटो फिचर ‘म यस्तो गीत गाउछु २’ को प्रिमियर](https://snowberry.prixacdn.net/media/gallery_folder/mayesto_NlGTgJWz9O_3zvybskuzi0dqvb49e49egp3mensuigvuldbsvto4blbzzekgnxtd8rv777r_SR8ynr95Aa_gyb9qod3qssotkxzqh6zcvfnki6usqoizlf1tjmzlnpyenoc42donjqnlwc1.jpg)
फोटो फिचर ‘म यस्तो गीत गाउछु २’ को प्रिमियर
![लता मंगेश्करका ‘तीन’ नेपाली गीत](https://snowberry.prixacdn.net/media/gallery_folder/lata-1-scaled_ivBV4NmQtj_ss08x35dz99bzxbr4lnjtbajomciuzngi1ie1nrnothh3km9bmg0cswj63gz_3MP448M8Ga_xmjebyzdcvgiru8ma1kpqszipisxqm9o70iafkiubdxq1on5cvm5p6tgd6t7.jpg)
लता मंगेश्करका ‘तीन’ नेपाली गीत
![नेपालमा फिल्मको प्रदर्शन मितिलाई लिएर पुनः अन्यौल सुरु हुदै !](https://snowberry.prixacdn.net/media/gallery_folder/all-scaled_P6wTnaHY3t_0rcofku4kd4wzccnt6kirsysv2jtinfxonuxv5wzasfnkafreptrpg0a3jfz_T8bEXHN09m_4oen907pkvcae3fgypqhmgd9toqkx5fdnxhaf0ciu6trwq9fd5cftgoqxfrd.jpg)
नेपालमा फिल्मको प्रदर्शन मितिलाई लिएर पुनः अन्यौल सुरु हुदै !
![गायक राजेश पालय राईमाथि न्युयोर्कमा हातपात (भिडियो सहित)](https://snowberry.prixacdn.net/media/gallery_folder/raje_31gXOqlbQp_hzqoq2jrl8antc9mdzwsfytcdni6rrnxaffengw4zt98hmyrry4xajbisn5q_24uYcd0WlW_hiydytmk1miawlt7xyqjx3flljfplojquiwljlld8mlqkhp6g8rdghowp3a5.jpg)
गायक राजेश पालय राईमाथि न्युयोर्कमा हातपात (भिडियो सहित)
![यी अभिनेत्रीहरूले हेण्डसमको हृदयमा विछोडको छुरा चलाए](https://snowberry.prixacdn.net/media/gallery_folder/all-higo_bR2auavnjB_tkdgdm1kippntvlqrwbdeqia9jdhqi1pso5sy4vgffrakhy3nrpyosgs5crn_Q2HErtp5P9_y3fqpqzalnafjjhlax59hsydewiqlaafyyenbdbpemc1bxkqw9zamvfoog0f.jpg)
यी अभिनेत्रीहरूले हेण्डसमको हृदयमा विछोडको छुरा चलाए
![फिल्मका निर्देशकलाई छैन काम, म्युजिक भिडियोकालाई चामै चाम](https://snowberry.prixacdn.net/media/gallery_folder/teej-geet3-1_UyJFMaYEAD_3vx1twzmjkgzdmgl2n0pane8xg87ns2ehrva9qf3fbcpvxre3gzaez1oodyj_JOT0nx5XEZ_0cl0wggeg3bbhhyozepx9vamikcsu0gjfoj6olcu8rlzhhfwrlrfgpizlorn.jpg)
फिल्मका निर्देशकलाई छैन काम, म्युजिक भिडियोकालाई चामै चाम
![राजेश हमालको सुझाव सरकारले सुन्ला र ?](https://snowberry.prixacdn.net/media/gallery_folder/rajesh-hamal-_86AhfkaOPf_xr1toxh6rocuj2oxzpnhutzznnoksjijuyctyujblssvzztjlls2qutnspxr_Sp4J1qR7nP_m5jykkc6tipadmr7pnr13rcw3z1wf7sub0e8fh6bzubwp1vl3cgr6etiwnuu.jpg)
प्रतिक्रिया