राजवल्लभ आए, इन्टरभ्यू दिए अनी फर्किए

केही फिल्ममा काम गरेपछि कुनै पनि कलाकारलाई त्यसको नशा लाग्छ । त्यही नशाका कारणले पनि बेलाबखत उनीहरुलाई चर्चामा आउन मन लाग्छ ।
अभिनेता राजवल्लभ कोइरालाले नेपाली फिल्ममा राम्रै नाम कमाएका थिए । तर, नाम कमाउँदा कमाउँदै राजवल्लभ अमेरिका हानिए र उतै बसे । अमेरिकामा रहँदै उनले बिहे पनि गरे । बिहे गरेपछि उनी नेपाल आए, पारिवारिक भेटघाटका लागि ।

तर, नेपाल आएको समयमा राजवल्लभलाई मिडिया मोहले भने छाडेन । उनले, विभिन्न युटुब च्यानलहरुमा पत्नीसँग इन्टरभ्यू पनि दिए । राजवल्लभलाई नेपाली फिल्ममा दर्शकले खोजिरहेका छन् ।

राजवल्लभ अब नेपाली फिल्ममा फर्कने संभावना देखिदैन । तर, फिल्ममा काम नगरेपनि राजवल्लभलाई मिडियामा छाउने रहर भने पलायो । उनी अमेरिकाबाट आए, इन्टरभ्यू दिए र फर्किए ।

‘पर्खी बसे’ जस्तो हिट फिल्मबाट डेब्यू गरेपनि राजवल्लभले त्यसपछि हिट फिल्म दिन सकेका थिएनन् । यसैले पनि फिल्म क्षेत्रमा करिअर नदेखेपछि उनी अमेरिका हानिएका थिए ।
तर, जे जस्तो भएपनि चर्चामा आउन त मन लाग्ने रहेछ नी ?