‘बाँध मायाले’ फेसबुक प्रचार प्रसारमा

असोज ५ गतेदेखि प्रदर्शनमा आउन लागेको फिल्म ‘बाँध मायाले’ यूनिटले प्रचारको नयाँ शैली अपनाएको छ । विशेषतः सामाजिक सञ्जाल फेसबकुमा जोडिएका दर्शकलाई मध्यनजर राख्दै फिल्मको प्रचार सुरु गरिएको हो ।

प्रत्येक दुई दिनमा फिल्म बाँध मायालेको एउटा प्रश्न फिल्मको अधिकारिक फेसबुक पेज मार्फत सोधिनेछ । सोधिएको प्रश्नमा सही जवाफ दिनेलाई पाँच सय रुपैयाँको रिचार्च कार्ड प्रदान गरिनेछ । यो क्रम भदौको अन्तिम दिनसम्म जारी रहने निर्देशक सविर श्रेष्ठले जानकारी दिए । फिल्म हलमा नआउञ्जेल यी र यस्तै खाले प्रचार प्रसार गरिरहनेछौं, सविरले भने ।

लभ स्टोरी फिल्म बाँध मायालेमा आर्यन अधिकारी र सृष्टि श्रेष्ठसँगै किशोर खड्का, राजाराम पौडेल, रविन्द्र प्रताप सेन, विशाल चाम्लिंग लगायतको अभिनय छ । फिल्ममा संगीत अर्जुन पोखरेलको रहेको छ ।