बलिउड फिल्म ‘एनिमल’मा रनवीर र अनिल कपुरसँग काम गर्दै विपिन कार्की

- मेराेफिल्म

‘गोपी’अभिनेता विपिन कार्कीले बलिउड फिल्म ‘एनिमल’मा काम गर्ने भएका छन् । उनले फिल्म निर्माताले फिल्मका लागि बोलाएको र अगस्टमा हुने सुटिङमा सहभागी हुने बताएका छन् ।

‘अर्जुन रेड्डी’को हिन्दी भर्सन ‘कबीर सिंह’को निर्देशन गरेका सन्दिप रेड्डी भांगाले निर्देशन गरिरहेको यो फिल्ममा रनवीर कपुर, अनिल कपुर, बबि देओल र परिनीति चोपडाले अभिनय गरिरहेका छन् । विपिनलाई निर्माण टिमले फोन गरेर फिल्म खेल्ने अफर गरेको हो । निर्माण टिमले विपिनको सेल्फी किङ हेरेर प्रभावित भएपछि सो फिल्म अफर गरेको बताएका छन् ।

उताका निर्मातालाई सेल्फी किङ देखाउने काम भने यसका निर्देशक विशाल सापकोटाले गरेका थिए । सापकोटाले ‘अर्जुन रेड्डी’कै रिमेक बनाउने तयारी स्वरुप अडिसनसमेत लिएका छन् । तर महामारीका कारण यो फिल्मको थप काम अगाडि बढ्न सकेको छैन । फिल्ममा विपिन अनिल कपुरसँगका दृश्यमा देखिनेछन् ।

तर विपिनले फिल्मसँग औपचारिक सम्झौता नभएको तर निर्माण टिमले ढुक्क हुन भनेको पनि जानकारी गराएका छन् ।

रनविर सँग फिल्म खेल्ने विपिन दोस्रो कलाकार हुन् । यस अघि फिल्म बर्फीमा भोला सापकोटाले संगै अभिनय गरेका थिए ।

हेर्नुस्- विपिन कार्की अब कस्तो क्यारेकटरमा

२०७८ पुष २८ गते ९:५२ मा प्रकाशित

प्रतिक्रिया

Leave a Reply

Your email address will not be published. Required fields are marked *