११ दिनमै ‘जवान’को कमाई ८ सय ५० करोड

बलिउडका वादशाह साहरुख खानले यो बर्ष ब्लकबस्टर कमब्याक गरे । जनवनरी महिनामा रिलिज भएको फिल्म ‘पठान’ले बक्स अफिसमा तहल्का मच्चायो । बलिउडलाई नै कमब्याक गराएको फिल्मले विश्व बजारबाट १०५० करोडको व्यापार गर्यो । 

उनै, साहरुख अभिनित फिल्म ‘जवान’ सेप्टेम्बर ७ तारिखबाट विश्व बजारमा चलिरहेको छ । यो फिल्मले बक्स अफिसमा सबै रेकर्डलाई ध्वस्त बनाउँदै नयाँ रेकर्ड बनाइरहेको छ । यसैबिच, रिलिजको ११ औं दिनसम्म आइपुग्दा फिल्मले विश्व बजारबाट ८ सय ५८ करोडको ग्रस कलेक्शन गरेको छ । फिल्म केही दिनमै एक हजार करोड क्लबमा प्रवेश गर्ने पक्का छ ।

फिल्मले  रिलिजको दोश्रो आइतबारसम्म भारतीय बक्स अफिसमा ४३० करोड कमाइसकेको छ । यस्तै, तामिल र तेलुगु भर्सनमा फिल्मले करिब ५० करोडको कमाई गरेको छ । भारतमा मात्र फिल्मको बक्स अफिस कलेक्शन ४८० करोड नेट छ । 

फिल्मले यो साता नै हिन्दी भर्सनमा मात्र ५ सय करोड कमाउने प्रक्षेपण गरिएको छ । फिल्मले बक्स अफिसमा ६ सय करोडको खाता खोल्ने अनुमान समेत गरिएको छ । 

एट्लीको निर्देशनमा तयार भएको यो फिल्ममा साहरुख खानको दोहोरो भूमिका छ । उनको साथमा फिल्ममा नयनतारा, विजय सेतुपति, दीपिका पादुकोण, संजय दत्त लगायतका कलाकारको अभिनय छ ।