मुन्द्रेको कमेडि क्लब दुई भाग स्टकमा, त्‍यसपछि अन्योल

- मेराेफिल्म

विश्वव्यापी महामारीको रुपमा फैलिरहेको कोरोना भाइरस (कोभिड–१९) बाट जोगिन सरकारले २५ जनाभन्दा बढी भेला नहुन आग्रह गरेपछि मनोरञ्‍जनका क्षेत्रहरु प्रभावित हुने भएका छन् ।

नेपालमा पछिल्लो समय चर्चामा आएका रियालिटी शो, गायन शो, कमेडी शो, फिल्म सुटिङ लगायतका क्षेत्र बढी प्रभावित हुने भएको हो । पछिल्लो समय चर्चामा रहेको कमेडि शो ‘मुन्द्रेको कमेडी क्लब’लाई सरकारले पर्यटन बोर्डको हल उपलब्ध नगराउने भएपछि आगामी दुई एपिसोडपछि समस्‍या हुने भएको छ ।

मुन्द्रेको कमेडि क्लबको सुटिङ नेपाल पर्यटन बोर्डमा हुँदै आएको यस पटकको सुटिङ नभए आगामी दुई एपिसोड स्टक रहेको र त्‍यसपछि पुरानै रिपिट गर्ने कार्यक्रमका सञ्‍चालक जितु नेपालले मेरो फिल्मलाई जानकारी दिए । उनले भने, ‘हामीसँग अझै दुई भाग कार्यक्रम स्टकमा छ । अर्को भागको लागि चैत १७ र १८ गते सुटिङको मिति तय भएको छ।हलका लागि पर्यटन बोर्ड र की एडभर्टाइजिङसँग मिटिङ गर्छौ। यस्तै स्थिति आएमा पुरानै एपिसोड दोहोरिन्छ।’

सरकारले कोरोना भाइरसको संक्रमणसँग जुध्नका लागि मानिसहरु जमघट हुने सबै स्थानहरुसहित शिक्षण संस्थाहरु बन्द गर्न निर्देशन जारी गरेको छ भने अत्यावश्यक कामबाहेक आवतजावत र हिँडडुल नगर्न र २५ जनाभन्दा बढी मानिस भेला नहुन पनि निर्देशन दिएको छ । त्यस्तै सार्वजनिक सवारी साधनमा सिट क्षमतामा मात्र यात्रु ओसारप्रसार गराउन पनि निर्देशन दिइएको छ ।

यो पनि पढ्नस्..

छायांकनमा रहेका फिल्म नरोक्ने

२०७६ चैत ६ गते ९:५७ मा प्रकाशित

प्रतिक्रिया

Leave a Reply

Your email address will not be published. Required fields are marked *