लेनजीसँग ‘चुम्दा मायाले’ भन्दै रमाए उषा र ललना

मोडलद्धय उषा उप्रेति र ललना चिमरिया अर्का मोडल लेन जीसँग ‘चुम्दा मायाले’ भन्दै लजाएका छन् । यो वास्तविक जीवनको कथा भने होइन । 

गायक सरोज साजन श्रेष्ठ र गायिका समीक्षा अधिकारीको स्वरमा समावेश ‘चुम्दा मायाले’ बोलको गीतको भिडियोमा यी तिन मोडलको गज्जबको केमेष्ट्री हेर्न सकिन्छ ।  लम्साल यादवको शब्दमा अर्जुन पोखरेलले निकै रोमान्टिक गीत तयार पारेका छन् । गीतको अडियो कर्णप्रिय छ । जसलाई विशेषगरि, टिकटकमा रुचाउने देखिन्छ । 

यो गीतको भिडियोलाई माइकल चन्दले निर्देशन गरेका हुन् । माइकलले भिडियोमा लेन जी, उषा उप्रेति र ललना चिमरियालाई अभिनय गराएका छन् । यी तिन जनाको केमेष्ट्री भिडियोमा गज्जब देखिएको छ । तीनै जनाले भिडियोमा खुलेरै नृत्य समेत गरेका छन् । 

माइकल स्टेप अप एन्ड आर्टस् एकेडेमीको कोरियोग्राफीमा तयार भएको भिडियोमा सिलन लम्सालको सम्पादन, नवराज उप्रेतिको छायांकन छ । भिडियो र गीतले दर्शकको मन जित्ने विश्वास गर्न सकिन्छ ।