सलमानको ‘कभी ईद कभी दिवाली’ मा पूजा हेग्डे

केहि दिन अघि सलमान खानले आफ्नो आगामी फिल्म ‘कभी ईद कभी दिवाली’ को घोषणा गरेका थिए । अब यस फिल्ममा सलमानको जोडीको रुपमा पूजा हेग्डे खेल्ने खबर बाहिरिएको छ । फिल्मका निर्माता साजिद नाडियाडवालाले उक्त कुरा खुलाएका हुन् ।

नाडियाडवालाले पर्दामा पूजाको उपस्थिति गज्जबको देखिने र सलमान सँग उनको जोडी पनि राम्रो देखिने बताए । निर्माता स्वयम् ले नै फिल्मको स्क्रिप्ट पनि लेखिरहेका छन् । फिल्मको घोषणा लगत्तै फिल्ममा सलमानको हिरोइन को हुन्छ होला भन्नेर उनका प्रसंशकहरुमा कौतुहलता उब्जेको थियो ।

पूजाले सन् २०१२ मा ‘मुगामोदी’ बाट तमिल फिल्ममा र सन् २०१६ मा आशुतोष गवारिकरको फिल्म ‘मोहन्जो दारो’ बाट हिन्दि फिल्ममा डेब्यु गरेकी थिइन् । उनले मिस युनिभर्स इन्डिया २०१० मा सेकेन्ड रनर-अप को उपाधि जितेकी थिइन् । पूजाले आफु सलमान खानको ठुलो फ्यान रहेको र सँगै फिल्म गर्ने कुराले आफु उत्साहित रहेको बताएकी छिन् ।