रिलिज अघि नै 'पुष्पा-२' ओटिटीमा रिलिज हुने घोषणा

Mero Film

माघ ३, २०८० बुधबार ०८:२५

साउथ सुपरस्टार अल्लु अर्जुन यतिबेला आफ्नो आगामी फिल्म ‘पुष्पा २’ लाई लिएर चर्चामा छन् ।

यस अभिनेताको फिल्मलाई दर्शक पनि उत्सुकतापूर्वक पर्खिरहेका छन् । फिल्मको पहिलो भाग निकै ब्लकबस्टर साबित भयो । योसँगै अब फिल्मको दोस्रो भागलाई लिएर फ्यानहरू निकै उत्साहित छन् । यो फिल्म यसै वर्ष रिलिजको तयारीमा छ । तर, हलमा रिलिज हुनु अघि नै निर्माताले ठूलो घोषणा गरेका छन् ।

वास्तवमा निर्माताहरूले फिल्मको रिलिज अघि नै ओटीटी रिलिजको घोषणा गरिसकेका छन्। हो, पुष्पा–२ ले पनि ओटीटी हिट गर्नेछ। यो फिल्म ओटिटी प्लेट फर्म नेटफ्लिक्समा रिलिज हुनेछ। नेटफ्लिक्सले आफ्नो इन्स्टाग्राम अकाउन्टमा पोस्ट सेयर गरेर यो जानकारी दिएको हो ।

पुष्पा–२ को पोस्टरको क्याप्सनमा लेखिएको छ, ‘चाँडै नै नेटफ्लिक्समा हिन्दी, तमिल, तेलुगु, मलयालम र कन्नडमा पुष्पा– २ आउँदै छ। तर, यो फिल्म कुनै दिन ओटिटीमा स्ट्रिम हुनेछ भन्ने जानकारी भने खुलाइएको छैन ।

पुष्पा–१ को कुरा गर्दा यो फिल्म सन् २०२१ मा हलमा रिलिज भएको थियो । यो फिल्मको कथादेखि फिल्मका गीतसम्म सबैतिर हलचल मच्चाएको छ । फिल्ममा अल्लु अर्जुनसँग रश्मिका मन्डन्ना देखिएकी थिइन् ।

यस्तै, सामन्था रुथ प्रभुले फिल्ममा एउटा आइटम गीतमा नृत्य गरेकी थिइन्, जुन निकै चर्चित भयो । फिल्मले बक्स अफिसमा ठुलो कमाई गरेको थियो । फिल्मले ३७३ करोड कमाएको थियो ।

फिल्मको दोस्रो भाग अर्थात् ‘पुष्पा २’ यसै वर्षको अगस्ट १५ मा हलमा रिलिज हुँदै छ । हालै यो फिल्मको ट्रेलर सार्वजनिक भएको छ । यो ट्रेलरले पनि दर्शकले उत्तिकै मन पराएका छन् । ट्रेलर हेरेपछि दर्शक फेरि पनि फिल्मलाई लिएर उत्साहित देखिन्छन् । यस फिल्ममा अल्लु अर्जुन र रश्मिका मन्डन्ना पनि देखिनेछन् ।

‘पुष्पा २’ अजय देवगनको फिल्म सिंघम अगेनसँग भिड्दै छ । यस्तो अवस्थामा यसको आम्दानीमा असर पर्छ कि पर्दैन रिलिज समय नै कुर्नुपर्ने हुन्छ ।